Ieremia 6:22 - Te B'aib'ara

²² E taku te UEA, “Taratara nako nako iang, nakon te tabo are e mena iai te botannaomata ae e korakora are e katauraoi nakon te buaka.

Ieremia 6:22 Iomraidhean Croise

Neemia 1:9

Ma ko bon taku naba b'a e ngae ngkana ti a rangi n raroa nako ma ngkana ti tanrikaaki nakoim ma ni manga moana ongotaekara n am tua, Ko na kaokiira rikaaki nakon ara tabo are Ko a bon tia n rineia b'a Ko na taromauriaki iai.

Ieremia 10:22

“E na ongo te aba karongoaan te urub'ai mai meaang ae kaanga ai aron te baa. Ao n te tai ae e aki maan, a na uruaki ara kaawa nako ao a na maeka iai taian tiakaore.”

Ieremia 13:20

Ierutarem, ko tautaekaniia kaain Iuta ma te kainikatonga ae moan te korakora. Ma a ngaa ngkai?

Ieremia 25:32

E taku UEA ae Moan te M'aaka: Kam konaa noora te aoraki ngkana e butinako man taabo aika a raroa nako n te aonnaba, man te botannaomata teuana nakon teuana kaanga te angibuaka ae e kakamaaku.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 30:5

“I ongo te tangi ni maaku, tangin te maroaa b'a akea te rau.

Ieremia 4:16

E taku te UEA, “Tuangiia botannaomata b'a a tia au aomata ni kakaitaraai. Ngaia are e na roko te taanga ni buaka man te tabo ae e raroa n otab'aninia Ierutarem ao kaawan nako Iuta. Bon aio au taeka Ngai ae te UEA.

Ieremia 4:6

kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

Ieremia 47:2

Bon te UEA Ngai ae I tuangkami b'a ae e na iekaki abami irouia te taanga ni buaka mai meaang. E na uruaki ami kaawa nako ao a na kamaunanakoingkami, ma te tang ao te taakarua.

Ieremia 5:15

Kaain Iteraera, I a tia ni karaoa au babaaire. E na buakaningkami te taanga ni buaka man te aba ae e raroa nako. I a tia n rinea te botannaomata nikawai ae kam babanga aia taetae.

Ieremia 5:16

Bon taani buaka ngaiia ni kabane, ao a uota te mate aia kanoanikatebe.

Ieremia 6:1

Biri n rawei maiumi, aomatan Beniamin. Oti nako mai nanon Ierutarem. katanga te bu i Tekoa ao kaura te ai are te kanikina i Beta-Akirem. Ko na oreaki n te tai ae e aki maan n te kabuanib'ai mai meang.

Etekiera 21:31

E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.

Etekiera 23:22

E taku te UEA ae te Atua: Oorib'a, e ngae ngke ko a aki tangiria ni mena i rarikiia am tangira, ma a na bon katobibiiko kaanga kairiribai, ngkana I eekiko nako.

Ab'akuka 1:6

N na kakorakora m'aakan te tautaeka ni B'aburon, ae te koraki aika a tiritiri, aika akea tokiia. Akana a m'am'ananga n te aonnaba ni buakani aaba nako.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.