Ieremia 6:21 - Te B'aib'ara

²¹ Ma ngaia are, N na kaaki te b'ai ni katoki wae i m'aain kawaimi, ao a na bane ni mate, ni karokoa naba tamami ma natimi, kaain rarikimi ao raoraomi nako.

Ieremia 6:21 Iomraidhean Croise

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Itaia 8:14

Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.

Itaia 8:15

Bon te b'ai ni kam'ane Ngai are e na raweia kaain Ierutarem—-a na konaaki ma ni katikitikaki nako.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 18:23

Ko ataia b'a a baairea aron tiringakiu. Ma ngaia are, Ko na un irouia ao Ko na katuaaia! Ko na aki manga kab'ara aia bure n aia bure aika a rangi ni kakamaaku.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Etekiera 3:20

Ngai ko na iangoia b'a aongkoa b'a a karaoa te bure aomata aika a kakaonimaki, ao I iangoia b'a N na kawenea te atiibu ni kab'akab'aka i m'ain kawaia b'a a aonga ni b'aka. A na bon riai ni mate i bukin aia bure. Ma ngaia are ngkana ko rawa ni kauringiia, ao N na m'aninga taekan taai ake a kakaonimaki iai, ao N na tauko b'a ko bukintaeka ni mateia.

Etekiera 5:10

A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Nakoaia Ibonga 26:37

Ao ane kam na mamaara ma n tatatata ao ni b'aka temanna i aon temanna, e ngae ngkana akea ae e kakioingkami.

I-Rom 11:9

E taku Tawita, “Ke e riki aia botaki b'a te b'ai ni kam'am'ane, ma te b'ai ni kab'akab'aka; Ke e riki b'a booni mwin aia m'akuri.

I-Rom 9:33

n ai aron are koreaki ni kaangai: “Noria, I kawenea i Tion te atibu ae a na reke waeia iai aomata, ao a na b'aka; ao ane onimakinna ao e na aki kamaamaeaki.”

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.