Ieremia 6:19 - Te B'aib'ara

¹⁹ A kakeaa bonganau Au aomata ao a katinanikui au tua nako. A baaireia b'a a na karaoi m'akuri aika a buakaka, ao ngkai, te buakaka are a baaireia e na manga bon riki nako ia.”

Ieremia 6:19 Iomraidhean Croise

Taeka n Rabakau 15:26

E ribaai iango aika a buakaka te UEA ma e kukurei n te taeka n akoi.

Taeka n Rabakau 28:9

E aki konaa ni kukurei te Atua n ongora aia tataro aika a aki ongotaeka nakon ana Tua.

Itaia 1:2

E taku ngkoa te UEA, “Ongora, karawa ao aonnaba! A tia ni manga kaaitaraai ataei ake I kaikawaia.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 59:7

Kam waetata nakon karaoan te kaairua ke tiringan konami aika akea aia bure. A akea riki te b'ai ae kam iaiangoia i rarikin te bure; a tiku n urubekebeke taabo akana kam kiitan.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ieremia 21:14

ao N na katuaaeko n aron ae ko riai n anganaki. N na kauraa am bareti ao a na bane n urarake b'aai nako akana i rarikim.

Ieremia 22:29

Aban Iuta, bon te UEA Ngai. Kakauongo ngkai nakon te b'ai ae I taekinna!

Ieremia 29:19

E na riki aei nako ia i bukina ngke a aki ongotaeka nakon te rongorongo ae I teimatoa ni kanakoa nako ia rinanoia Au taani m'akuri aika burabeti. A rawa n ongo.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Ieremia 4:16

E taku te UEA, “Tuangiia botannaomata b'a a tia au aomata ni kakaitaraai. Ngaia are e na roko te taanga ni buaka man te tabo ae e raroa n otab'aninia Ierutarem ao kaawan nako Iuta. Bon aio au taeka Ngai ae te UEA.

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Ieremia 49:37

Ko na kamanatuaaki ao ko na tiringaki irouia aia taanga ni buaka, ao kam na kaitibo ma te kabuanib'ai are e reke man marakin nanou.

Ieremia 6:10

I a tia n tuangiia aomata ae Ko na katuaaia ngkoe ae te UEA, ma a ti ngare ao a rawa n ongo.

Ieremia 6:18

Ai ngaia are I tuangiia botannaomata nako n te aonnaba ni kaangai, “Mataku n te b'ai ae N nang karaoia!

Ieremia 8:5

Ma ngaia are, e aera ngkai kam rawa n oki nako iu? E aera ngkai kam baimatoai antimi ni kewe?

Ieremia 8:9

A a tia ni katinanikui baika I taekin ami taani wanawana, ai ngaia are, akea wanawanaia. A riai ni kam'aneaki ngkai ma ni kamaamaaeaki; a aki ataa te b'ai ae a riai ni karaoia.

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Otea 10:13

Ko a tia n unika te buakaka, ko taia te motibuaka, ao ko kana uaan am kewe. Ko onimakina oin korakoram ma korakoran am taanga ni buaka nako.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

Mika 1:2

Ongora ngkami aika botannaomata nako; kakauongo ngkami aika kam maeka n te aonnaba; e na kaoti arom nako aika a buakaka te UEA. Kakauongo! E taetae man ana Tembora are i karawa.

Mika 6:2

Ngkami aika maunga, aika bouan te aonnaba ma ngkoa, ongora nakon Ana kauntaeka te UEA! Iai Ana kauntaeka te UEA i marenana ma Ana aomata aika Iteraera are E na tabekaarake taekana.

Ioane 12:48

Ane rawa nako iu, ao e aki kaaki i nanona au taeka, ao bon iai ae na motika taekana: taeka ake I atong a na riki b'a b'aini motikan taekana n te kabanea ni bong.

M'akuri 8:22

Ma ngaia ae ko na raira nanom n raraoma i bukin am iango ane reke i roum anne, ao butiia te Atua b'a tao E na kab'ara buren am iango anne, ngkana arona.

Te Tua-Kaua 30:19

I wetea karawa ma aonnaba n te tai aei b'a taani kakoaua b'a I anganingkami nanomi n are kam kan rineia. Tera ngke kam rinea te UEA b'a E na anganingkami te tetekeraoi ma te maiu ae ab'ab'aki, b'a E kaawa n kab'aka te maraia i aomi ma n tiringingkami. Rinea te maiu.

Te Tua-Kaua 32:1

Ongora n te b'ai ae N na taekinna, Aonnaaba ma karawa,

1.Tamuera 15:23

Kakaitaraan te UEA ma te aki ongotaeka nako Ina bon ti te bo ma buakakan taromauriaia bouananti ke bubutiaia kairakimi. Ko rawa ni karaoa te b'ai ae tuangko te UEA, ma ngaia are, E a tia te UEA ni baaireia b'a ko na aki konaa n uea.”

1.Tamuera 15:26

Ao e taku Tamuera, “I aki! Ko aki ongotaeka i roun te UEA, ao n na aki okirikaaki ma ngkoe. Ngkai E a tia te UEA n taku b'a ko nang aki uea i aon Iteraera.”