Ieremia 6:18 - Te B'aib'ara

¹⁸ Ai ngaia are I tuangiia botannaomata nako n te aonnaba ni kaangai, “Mataku n te b'ai ae N nang karaoia!

Ieremia 6:18 Iomraidhean Croise

Itaia 5:3

Ongora, kaain Ierutarem ao Iuta! Kam na riki b'a taan motika taekau ma au nne n aroka ni kureebe.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Ieremia 4:10

I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

Ieremia 4:16

E taku te UEA, “Tuangiia botannaomata b'a a tia au aomata ni kakaitaraai. Ngaia are e na roko te taanga ni buaka man te tabo ae e raroa n otab'aninia Ierutarem ao kaawan nako Iuta. Bon aio au taeka Ngai ae te UEA.

Ieremia 6:17

I bon kanako ia naba taiani burabeti b'a a na kauringngkami i bukin te kabuanib'ai, ma ngke a katang te b'ai ni kauring, ao kam bon aki kan tabe iai.

Ieremia 6:19

A kakeaa bonganau Au aomata ao a katinanikui au tua nako. A baaireia b'a a na karaoi m'akuri aika a buakaka, ao ngkai, te buakaka are a baaireia e na manga bon riki nako ia.”

Mika 6:5

Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”