Ieremia 6:16 - Te B'aib'ara

¹⁶ E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Ieremia 6:16 Iomraidhean Croise

1.Uea 8:36

ao Ko na ongora mani mwengam i karawa mani kab'arai aia bure. Bon am Toro aomatan Iteraera, ma ngaia are, Ko na reireiniia aroia ni maiuakina te maiu ae e eti. Ao taiaoka ni kanakoa te karau i aon te aba are Ko berita iai nakoia n aki toki.

2.Rongorongo 19:11

Te aomata are e na anga te kabanea ni motiki taeka i bukin buure ake a irekereke ma te aro bon Amaria are te ibonga ae e rietaata. Ao Tebaria, are te tia kairiiri man te baronga are Iuta boni ngaia are e mena i rouna te kabanea ni motikitaeka i aon taiani bure ni kabane ake tabeua. Ao a na m'akuri nikiraia kanoan Rewi b'a am taan buobuoki. Ko na ninikoria, ao I tataro b'a e na buokiko te UEA.

Taian Areru 116:7

E tararuai ma te nano n akoi, n te aro are n aki manga raraoma.

Itaia 2:5

Kaain Iteraera, ti na maiu n ootan te UEA.

Itaia 28:12

E a tia ni berita iai nakoimi i bukin te rau ao te motirawa aika a kororaoi, ma kam aki kan ongo.

Itaia 30:21

E ngae ngkana kam rairaki nakon te angaatai ke te angamaing, ao kam na bon ongo naba te b'anaa ae e kaangai, “Aio te kawai! Kam na iria ngkai.”

Itaia 46:9

Bon ti Ngai te Atua! Bon akea riki atua i rarikiu; bon akea naba n ai arou. Kam na iangoi baika a tia n riki n ririki aika a b'aka nako.

Itaia 57:2

ma e reke irouia te rau i nanon te mate i bukin te ongotaeka iroun te Atua.

Itaia 8:20

b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 18:12

Ma I ataia b'a kam aki ongo. Ao kam na bon kaangai naba, “Ti aki tabe ma te b'ai ae Ko taekinna. Ti a tia n iangoia b'a ti na karaoa te bure, ao ti taningamatoa ma ni karaoa te b'ai ae ti bon tangiria!”

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 2:25

A a mangaingai ami kauniwae, e a m'autakataka buami man te biriaitua n aki akaaka i bukin taromauriakiia antiia aika ianena. Ao I takaarua ni kaangai, “Katokia!” ma kam kaeka ni kaangai, “Ti aki! Ti rangi n tangiri taian anti aikai.”

Ieremia 22:21

I kauringko, i nanon taai aika a raoiroi. Ma ko katinanikuai, n aron are ko a tia ni karaoia naba ngkoa ngke e uarereke Iteraera.

Ieremia 31:21

Au aomata aika kam tangiraki, kam na kanikinaea kawaimi n okira mwengami n taiani b'ariko n atiibu ma boua aika kanikina. Bon te kawai naba are kam kiitana naba iai mwengami.

Ieremia 42:3

Buubutia te UEA b'a E na tuangiira b'a ia ae E tangirira b'a ti na nako iai ao tera te b'ai ae E tangiria b'a ti na karaoia.”

Ieremia 44:16

Ieremia ti bon aki tabe ngkana ko taetae n aran te UEA. Ti na bon aki kan ongo!

Ieremia 50:5

Ane kam na titiraki i bukin te kawai nako Tion ao i mwiina kam na roko ao kam na raonai ni karaoa te boraraoi ae kam aki urua ke ni m'aninga.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Ieremia 7:3

are Moan te M'aaka, ae Atuaia Iteraera: Kakauongo raoi, ngkami aika kaain Iuta! Bita maiumi ao maiuakina te raoiroi, ao i mwiina, N na kariaingkami b'a kam na maeka n oin abami.

Maraki 4:4

Kam na aki m'aninga taian tua ma taeka n reirei ake I angan Au tia m'akuri are Moote i aon te Maunga are Tinai.

Ruka 16:29

Ma e taku Aberaam, “Iai i rouia ana boki Moote ao aia boki burabeti a riai n ongo ao n ongeaba nakoni baike a koreaki i nanoia.”

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 13:17

Ngkana kam atai baikai, ao kam a kab'aia ngkana kam karaoi.

Ioane 5:39

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku;

M'akuri 17:11

A raraoi riki nanoia I-Iutaia i Beroia nakoia ake i Tetaronike, b'a a kani kaaki i nanoia ana taeka te Atua, ao a katoa te bong ae koraki n ukeuke n te B'aib'ara, b'a a kani kakoauai baike a taekinaki.

I-Rom 4:12

Bon tamaia aomata nako aika a tia ni korotabonim'aneaki, tiaki ti i bukin ae a korotabonim'aneaki, ma i bukin naba aia onimaki b'a ti te bo ma ana onimaki Aberaam are tamaia ngke e tuai ni korotabonim'aneaki.

Te Tua-Kaua 32:7

Kam na iangoi roro ake ngkoa. Titirakiniia ami karo ke ami kara. Ao ane a na tuangkami

I-Korote 2:6

Ma ngaia aei, ngkai kam a tia ni butim'aea Kristo Iesu are te UEA, ao kam na maiu n reitaki ma Ngaia.

Ebera 11:2

Bon i bukin aia onimaki ikawai ake ngkoangkoa ae E kukurei iai i rouia te Atua.

Ebera 6:12

b'a kam na aki taningaroti, ma kam na kakairi irouia ake a tia ni karekea kanoan te taeka n akoi i bukin aia onimaki ma aia taotaonaki n nano.

Tani Motiki-taeka 2:17

N ririki ake a nako, ao a kakaonimaki Iteraera nakon te UEA, ma a manga waekoa n aki kakaonimaki man rawa n ongo irouia taani moti aikai. A na aki ongotaeka Iteraera iroun te UEA, ao ane a na manga taromauriia atua riki tabeman n onea mwiin taromauriana.