Ieremia 6:15 - Te B'aib'ara

¹⁵ A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Ieremia 6:15 Iomraidhean Croise

Karikani B'aai 19:34

Ao n te bong are i mwiina, ao e taku neiere te karimoa nakon tarina, “I a tia ni wene ma ngaia ngke tairiki, ao ngkai ti na manga kamooia riki nakon te tairiki, ao ko na manga wene ma ngaia. Ao e na reke natira mairoun tamara.”

Te Otinako 32:34

Ngkai ko na kairiia aomata nakon te tabo are I a tia n tuangko, ao e na kairiko Au anera. Ma N na katuaaia i bukin aia bure aei ngkana e roko te tai arei.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Itaia 10:4

Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Itaia 3:9

Taraan moamoami e oti iai b'a ti te bo ami bure ma kaain Tootom, ao kam aki kataia ni karabaa. Kam a reke n te kaangaanga, ao kam a bon tia ni katokai i aomi ni kabane.

Ieremia 14:15

A taku burabeti ni kewe aikai b'a e na reke te rau ma te am'arake ae e m'aiti. Ma I tuangngkami b'a bon burabeti naba aikai aika a na mate n te buaka ao te baki.

Ieremia 18:23

Ko ataia b'a a baairea aron tiringakiu. Ma ngaia are, Ko na un irouia ao Ko na katuaaia! Ko na aki manga kab'ara aia bure n aia bure aika a rangi ni kakamaaku.

Ieremia 23:12

Ngkai N na katuuaingkami n te kabuanib'ai, ao kam na marannako ao kam na b'aka i nanon te rootongitong. Bon aio au taeka Ngai ae te UEA.

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ieremia 44:10

Ni karokoa naba te bong aei, kam teimatoa n ami kainikatonga n tauingkami b'a kam na aki ongo taeka nakon Au tua ma Au reirei nako ake I anganiia ami bakatibu.

Ieremia 5:29

Kam tangiria ni katuaaeaki, ma ngaia are, N na karaoa te karekekai.

Ieremia 5:9

E aera ngkai N na aki katuaaia kaain Iuta?

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Ieremia 8:9

A a tia ni katinanikui baika I taekin ami taani wanawana, ai ngaia are, akea wanawanaia. A riai ni kam'aneaki ngkai ma ni kamaamaaeaki; a aki ataa te b'ai ae a riai ni karaoia.

Etekiera 13:14

A kataia burabeti aika a b'anga ni kewe aikai ni karabaa te buakaka i Ierutarem, ma N na korouaa te kaawa ni kab'aka, ni kabane ni karokoa aana. Ao ngkana e b'aka, a na tiringaki burabeti aikai, ao ane a na ataia aomata ni kabane b'a boni Ngai ae I karaoi baikai.

Etekiera 2:4

A taningabono ao a atumatoa. Ma I a tia n rineiko Ngai ae te UEA ae te Atua b'a ko na tuangiia te b'ai ae I taekinna.

Etekiera 24:7

A tiringiia aomata aika a raoiroi kaain Ierutarem ao a aki tabe naba ma karabaan te raraa are e raanga nako aon te tano ae e matoatoa.

Otea 4:5

Ko na tatanako ngkoe ma burabeti ni ngaina ao ni bong; N na kain wiia tinami.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Mika 3:6

“Ngkami aika burabeti e a roko tokin ami bong ni burabeti, e a bung taai i aomi. Kam a tia n aki kairiia raoi au Aomata. Kam na aki kona ni manga noori mii ni burabeti, ao kam na aki manga taetae ni burabeti.”

Mika 7:4

ni karokoa naba aia aomata aika a rangi n raoiroi, a riki n akea manenaia kaanga kaai aika kateketeke. E a roko te bong are E nang katuuaia iai aomata te Atua, n aron are E a bon tia n reireiniia rinanoia aia Tia Taratara aika burabeti. A bon teimatoa naba n aki ataa ae a na karaoia.

Teb'ania 2:1

Te botannaomata ae ko aki kukuba karekea nanom ae e raoiroi

Teb'ania 3:5

Ma E bon mena te UEA i nanon te kaawa. E karaoa ae e eti ao E aki karaoa ae e bure. Ma aomata aika buakaka a bon teimatoa ni kakaraoa ae e bure ma te aki mamaa.

Tekaria 13:4

A na mamaa burabeti aikai ni mii ake a atong b'a taian kaotioti, ao a na aki keweia aomata ni kunnikaiia kaanga te burabeti ni koaua.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.