Ieremia 6:12 - Te B'aib'ara

¹² N na katuaaia kaain Iuta ma n anga aia auti ma aia tawaana nako ia tabem'aang, ao ai uana naba ma buuia. Bon aei au taeka Ngai ae te UEA.

Ieremia 6:12 Iomraidhean Croise

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

Itaia 10:4

Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 9:12

E kanakoia kaain Turia mai mainiku ao kaain Biritia mai maeao ao a kab'auta Iteraera. Ma e bon aki toki naba unna n anne, ma ngaia are, e bon waakina nako naba katuaeakiia.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Itaia 9:21

A manga bon raira buareia Eberaim ma Manate, ao i mwiina, a ikoti aia taanga ni buaka ni buakana Iuta. Ma e bon teimatoa naba n un te UEA ao e tauraoi nakon katuaaeaia te botannaomata n ae e rawaawata riki.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 21:5

Ma ngaia are, N na arora baiu ae e korakora ni buakaniko ni bon ti Ngai. A kamanenai taian kainiwai ao kabaang am taani buaka ni buakaniia kaain B'aburon, ma N na karaoa ami b'ainibuaka b'a a na manga bon buakaningkami.

Ieremia 38:22

ao ane a na uotaki nako ainen am bareti b'a taenikai irouia ana mataniwi Nebukaneta. Ao ane a na kaangai aine aikai nakoim: A kairiko nako raoraom aika ko onimakiniia. Ao ngkai ko a m'ane n te bokaboka, ao a tia n rairaki ni kiitaniko raoraom ake ko onimakiniia.

Ieremia 38:23

A na anaia buum ma natim kaain B'aburon b'a taenikai, ao ko na anaaki nakon uean B'aburon b'a te taenikai, ao e na kabuokaki ni kab'akaaki Ierutarem.”

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

B'aeb'aeti 2:8

E a tia ni iangoia te UEA b'a E na urui nonon Tion; E a tia ni katika koran te kaawa b'a E na bon urua n akea nikirana; A na bane ni b'aka taian taua ma nonon te kaawa.

B'aeb'aeti 3:3

Ao e ri aon ae riai oreau i rouna.

B'aeb'aeti 5:11

A tauia buura i aon te maunga are Tion, ao a kairoroia natira ataei n aine b'a ana anga rab'ataia i nanon kaawan Iuta.

B'aeb'aeti 5:2

A b'aini ara b'ai ianena; A maeka iruwa ni mwengara.

B'aeb'aeti 5:3

A mate ara karo irouia ara kairiribai, ao a akea buia tinara.

Etekiera 35:3

ao ko na kaangai nakoia: I a riki Ngai ae te UEA ae te Atua b'a ami kairiribai ngkai! Ao N na onika ami botannaomata nakon te aba ae akea manenana ae akea kanoana,

Etekiera 7:24

ma ngaia are, N na tuangiia botannaomata ake taiani kabanea ni buakaka b'a a na roko n anai mwengami. A na katoka te kainikatonga ane i nanon ami taanga ni buaka ae e korakora, ao a na karaoi ami tabo n taromauri b'a taabo aika a aki tau ni kamanenaaki.

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Teb'ania 1:13

Ana kurib'aiaki kaub'aia, ao ana uruakaki mwengaia, ana bon aki kona ni maeka ni mwengaia aika a karaoi, ke n nim aia wain mani nnen arokaia kureebe.”

Teb'ania 1:4

N na oroia aomatan Ierutarem, n te aba ae Iuta ni kabane, n na kamaunaia n tatabemaniia nako, aomata ake a taromauria B'aara, b'a e aonga ni bon akea manga uringaia ibonga ni beekan.