Ieremia 52:8 - Te B'aib'ara

⁸ Ma a kakioa te uea are Tetekia ana taanga ni buaka B'aburon, ao a reke i rarikin Ieriko, ma a bane ni birinako ana tautia ni uamaae nako nakon taabo aika a kakaokoro.

Ieremia 52:8 Iomraidhean Croise

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 32:4

E na tauaki te uea are Tetekia ao e na uotaki nakon te Uea are Nebukaneta, are e na i taramata n taetae ma ngaia.

Ieremia 34:21

N na bon anga naba uean Iuta are Tetekia ma ana mataniwi nako ia akana a tangiria n tiringiia. N na anga ngaiia nako ia tautian B'aburon b'a a na manga oki naba ni buakaningkami.

Ieremia 37:17

I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?” Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”

Ieremia 37:18

Ao i mwiina, I reitanako au taeka ao I kaangai, “Teuae ko karineaki, E aera ngkai ko karinai n te karabuuti? I a tia ni kaairua n eekinakoko ma am mataniwi ke te botannaomata?

Ieremia 38:23

A na anaia buum ma natim kaain B'aburon b'a taenikai, ao ko na anaaki nakon uean B'aburon b'a te taenikai, ao e na kabuokaki ni kab'akaaki Ierutarem.”

Ieremia 39:5

Ma a reke irouia ana taanga ni buaka B'aburon i rarikin te kaawa are Ieriko. A katika Tetekia ao a uotia nakon te kaawa are Ribera n te aba are Amata, ike e kabowiaki motikan taekana iai i roun Nebukaneta, ao e reke n te bure