Ieremia 52:1 - Te B'aib'ara

¹ Ai tib'a uabwi ma teuana ana ririki ni maiu Tetekia ngke e rineaki b'a te uea i aon Iuta, ao e tautaeka mai Ierutarem i nanon tebwi ma teuana te ririki. Tinana are Nei Amutara bon natin Ieremia te aine, Ieremia are man te kaawa are Ribena.

Ieremia 52:1 Iomraidhean Croise

2.Uea 23:31

Bon 23 ana ririki ni maiu Ieoaati ngke e riki b'a te uea i aon Iuta, ao e tautaeka mai Ierutarem i nanon 3 te nam'akaina. Tinana bon Nei Amutara are natin Ieremia are kaain Ribena.

2.Uea 24:18

Ai tib'a 21 ana ririki ni maiu Tetekia ngke e rineaki b'a te uea i Iuta, ao e tautaeka mai Ierutarem i nanon tebwi ma teuana te ririki. Tinana bon Nei Amutara are natin Ieremia are kaain Ribena.

2.Uea 25:1

N ana karuaiwa n ririki n uea Tetekia, ni katebwinan bongin te katebwina n nam'akaina, ao e kam'anangaa ana taanga ni buaka ni kabane uean B'aburon are Nebukaneta ni buakana Ierutarem. A katea aia kaemb'a tautia i tinanikun te kaawa are e buubura arei ao a karaoi taian taua ni karietaatai ni karokoi n rietan oon te kaawa.

2.Uea 8:22

E aki te roko ni manga taua taekan Etom te aba are Iuta. E ngae ngke e kakaitaraaki naba irouia kaain te kaawa are Ribena n taai akekei.

2.Rongorongo 36:11

Ai uabwi ma teuana ana ririki ni maiu Tetekia ngke e rineaki b'a te uea i aon Iuta, ao e tautaeka mai Ierutarem i nanon tebwi ma teuana te ririki.

Itaia 37:8

Ao i nanon te tai arei, ao e ongo mataniwin te taanga ni buaka n Aturia b'a e a tia n nako ana uea ni kiitana te kaawa are Rakiti ao ngkai e a buakana Ribena. Ma ngaia are, e a manga nako ikekei.

Ieremia 21:1

Ao e kananako wetean Batura are natin Marekia ao te ibonga are arana Teb'ania are natin Maateia te mm'aane te Uea are Tetekia. are uean Iuta. Ao i mwiina, e tuangai b'a N na tuangiia ni kaangai, “Ko na taetae ma Ieremia i buku.” Ma ngaia are a roko irou ao a taku,

Ieremia 39:1

N te katebwina n nam'akaina n ana karuaiwa n ririki Tetekia ni uea i aon Iuta, ao e roko Uean B'aburon are Nebukaneta ma ana taanga ni buaka ni kabane ao a buakana Ierutarem.

Ieremia 51:59

E m'ananga nako B'aburon Tetekia n ana kaaua n ririki ni uea i aon Iuta. Ao e iri naba tarin B'aruka are Teraia b'a te aobitia ngaia are e tabe ma baairean taian tabo are a na tiku iai ni kangainaa.

Ab'akuka 1:17

A na teimatoa ni kamanena aia kabaang man tiringiia botannaomata n akea aia nanoanga?

Iotua 10:29

I mwiin anne ao e a manga m'ananga nako Iotua ma ana taanga ni buaka mai M'aketa nako Ribena; a katobibia te kaawa ao a buakanna.

Iotua 15:42

Aikai kaawan te kaaua ni m'akoro are a anganaki naba utuun te baronga are Iuta b'a abaia, ake taian kaawa ake n taabo ake rinano i nukan te aba: Ribena, Etera, Atian,