Ieremia 51:43 - Te B'aib'ara

⁴³ E na oroi kaawa akana a uakaan te urub'ai ae e kakamaaku. E na riki te aba b'a te rereua ae akea kain aona, ike akea ae e konaa ni maiu iai ke ni m'ananga iai.

Ieremia 51:43 Iomraidhean Croise

Taian Areru 46:8

Nako mai noori ana m'akuri te UEA, Nori baika kamimii aika E karaoi i aon te aba.

Itaia 13:20

Ane a na akea ae e na maeka i B'aburon. E na bon akea naba taani m'am'ananga aika a na maeka ni kaaniia, ao a na aki kariaia aia nanai n tiibu taani kaawakin tiibu b'a a na katoki kuaia ikekei.

Itaia 34:13

A na onrake ara baareti ma nonona n taian kateketeke; bon ti taian kameanti ma aotireti aika a karaoa mwengaia ikekei.

Itaia 47:11

Ma e na oro te kabuanib'ai n akea te katauraoi ao a na aki konaa ni buobuoki m'aakan am tabunea.

Ieremia 18:16

Ane e na uruaki abami, ao a na bane akana ri rarikina n taraia ma te maaku ma ni katoutou atuuia.

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Ieremia 50:12

Ti te bo te kaawa ae B'aburon ma kaanga te tina nakoim. Ma e nang kab'ainrangaki ao e na riki n akea arona b'a ti te rereua ae akea kain aona.

Ieremia 51:29

E unoraki ao e rairaki te aonnaba nakon te kamarakaki ae e korakora, i bukina ngke I iangoia b'a N na karika B'aburon b'a e na rereua ae akea ae e na konaa ni maiu iai, ao I aki konaa ni bita nanou.

Ieremia 51:37

E na riki B'aburon b'a te b'ariko n atiibu aika a maaerikiriki ike ti taian tiakaore aika a maeka iai. Ane a na ngare aomata, ma a na aki maaku n nakonako i buakon b'aina aika a uruaki.

Ieremia 51:62

ao i mwiina, ko na tataro ni kaangai, “Ara UEA, Ko berita ngkoa b'a Ko na onika te tabo aei nakon te rereua ike akea aomata ke taiani man ae a na maiu iai.”