Ieremia 51:3 - Te B'aib'ara

³ N na taetae ni kaangai nako ia tautia aikai, “Buaka ni kawaekoa, i m'aain ae a kanakoi kanoan aia bana ke a karin aia b'ai ni buaka kaain B'aburon. Tiringiia aia tautia ake a bane aroia ao kamaunaa aia taanga ni buaka!”

Ieremia 51:3 Iomraidhean Croise

Taian Areru 137:9

Ane e anaia am merimeri ni boi ketaia i aon te b'a.

Ieremia 46:4

tokari ami aoti, ao karaneaneai ami kainiwai. Katokai b'arami ni buaka ao kunnikaimi ni buaka, ao kaei nnemi.

Ieremia 50:14

E a tia B'aburon ni kakaitaraai. Taani katebe kakioi nnemi. Kanakoa ami kanoanikatebe nako B'aburon.

Ieremia 50:21

E taku te UEA: I a tia n tuangiia ana kairiribai B'aburon ni kaangai, “Buakaniia kaain Merataim ao Bekota. Tiringiia ni kabane! Urui aia b'ai nako!”

Ieremia 50:27

Tiringiia tautian B'aburon, i bukina b'a e a roko te tai are a na katuaaeaki iai.

Ieremia 51:53

E ngae ngke a roota karawa oon nako B'aburon, ma e na urua te kaawa ae e buubura aei te taanga ni buaka ae N na karokoa. Bon aei Au taeka Ngai ae te UEA.

Ieremia 9:21

Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

Te Tua-Kaua 32:25

Ti te bo aroia aika ikawai ma ataei a na mate i nanon kawain te kaawa ao a na maaku i nanon aia auti.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.