Ieremia 51:18 - Te B'aib'ara

¹⁸ Bon ti taiani b'ai ni manikangare taiani bouannanti, ma ane a na uruaki, ngkana e roko raoi te tai.

Ieremia 51:18 Iomraidhean Croise

Te Otinako 12:12

N na ri nanon te aba are Aikubita nakon te tairiki, n tiringiia karimoa mm'aane; natiia aomata ma maan, ao N na katuaaia antin Aikubita. Bon te UEA Ngai.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Itaia 2:18

A na nako taiani bouannanti i bukin karaoan te raoiroi.

Itaia 46:1

A b'aka i aoni waeia, te anti are Bere ao Nebo ngke a uotaki nako bannaia ake taiani kai i aoia maan aika a korakai.

Itaia 57:12

Tao ko taku b'a ko rangi n raoiroi, ma N na kaota te koaua.

Ieremia 10:11

Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 10:14

A rangi n nanobaba aomata aika a karaoi taian bouananti! A na b'ara nanoia i bukina b'a a bon aki maiu antiia ni kewe.

Ieremia 10:15

Kaanga bon ti taian b'ai ni keekewe ao a na manga kamaunaaki ngkana e a roko te tai.

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 46:25

Bon te UEA Ngai ae Moan te M'aaka, ae Atuaia Iteraera. N na katuaea te anti are Amon are antiia kaain Teebeti ao antin Aikubita ake tabeua, uean Aikubita, ao kaain Aikubita, ao aomata aika a onimakina m'aakan Aikubita.

Ieremia 48:7

Tao kam taku b'a kam konaa ni mano ni m'aakami ao kaub'aimi, ma ane kam na tauaki n reitaki ma antimi are Kemoti, ma ana ibonga, ao ana mataniwi nako.

Ieremia 50:2

Anga te kanikina ao katanoataa taian rongorongo! Kam na aki karabaa! E a tia ni b'aka B'aburon! E a tia ni maerikiriki te anti are Merotaka! A kamaamaaeaki bouanantin B'aburon, ao a kamanatuaaki bannaia aika a rangi n ribaaki!

Etekiera 6:6

A na bane n uruakaki kaawa nako i aon Iteraera b'a e aonga ni kakoauaki b'a a bon bane n uruaki taian baangota, bouannanti, ao taian baonikarea, a na bane b'aai aika a tia ni karaoi Iteraera n riki b'a b'ariko ni b'ai aika a uruaki.

Iona 2:8

Akana a taromauri bouannanti aika akea maneia, a tia ni kitana karineam.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.