Ieremia 51:14 - Te B'aib'ara

¹⁴ Boni Ngai ae te UEA ae Moan te M'aaka, ae I tuea ni bon oini maiu b'a a na kaona kawain nuukan ami kaawa aia tautia kairiribai kaanga te taanga n rokati. Ane a na takaarua ao a na rungaa aia tokanikai.

Ieremia 51:14 Iomraidhean Croise

Taian Areru 105:34

E taetae, ao a roko karinan ni keeketi aika kanga ai aron te taake, aika aki konaaki ni warekaki m'aitiia.

Ieremia 44:26

Kaawakin taiani berita aikai! Ma N na ti tuangkami te b'ai ae e na riki. Ngkai bon te UEA Ngai ae te Atua, I tuea b'a N na aki manga butim'aai ami berita ake kam karaoi n arau.

Ieremia 46:23

ma ni kamaunaa te buakonikai ae e matenten

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Ieremia 50:15

Buaka ni iterana ni kabane! Taan taenikai mai B'aburon! A urua oona ma tauana kairiribai ni kab'aka. N nang irantaanga ni karaoa naba nakon B'aburon te b'ai ngkoa are e karaoia nakon kaawa aika a buubura ake tabeua.

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.

Ioera 2:25

Boni Ngai ae te UEA ae Atuami, ae N na kabooa mwiin b'aai aika a bua ake a riki irouia te taanga n rookati teuana ma teuana ake I kanakoi b'a a na buakaningkami.

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”

Ebera 6:13

Ngke e anganaki Aberaam te taeka n akoi iroun te Atua, ao E tuea i bon i Rouna, ngke akea riki temanna ae kakannato riki nako Ina are E kona ni kamanena arana ngkana E tuea;