Ieremia 51:13 - Te B'aib'ara

¹³ Kaain B'aburon, kam maeka i mataniwiin te Karaanga are Iuberetiti ao kam katobibiaki n taiani kanare. Kam kaub'ai, ma e a roko te tai are kam na mate iai.

Ieremia 51:13 Iomraidhean Croise

Karikani B'aai 6:13

Ao E taku te Atua nakon Nooa, “I a tia ni baaireia b'a N na kamaunaia aomata ni kabane. N na tiringiia n akea nikiraia, i bukina ngkai e a onrake te aonnaba n aia m'akuri ni kakam'arua.

Taian Areru 137:1

Ti tekateka i rarikini karaanga i B'aburon, ao ti tang ngke ti uringa Tion.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 45:3

N na anganiko taiani kaub'ai aika a karabaaki n te roo ao n taabo aika a raba. Ao ane ko na ataia b'a boni Ngai te UEA ae Atuaia Iteraera, ae e a tia ni wetei ngkami n arami.

Itaia 57:17

E kamaraka nanou nanonrangim. Ao bon anne bukina are I katuuaingkami iai ao I ribaa rekeu iroumi, i nanon ami tai n okiri maiumi nikawai aika a bure.

Ieremia 17:11

Kam karawaawataia tabem'aang, a na bane ni kiba nako b'aai ni kabane aika kam karekei, kaanga taiani mannikiba aika a raure man taian bunimoa aika a kimoaaki. Ao i mwiina, kam na ataia b'a ngaia kam rangi n nanobaba.

Ieremia 50:27

Tiringiia tautian B'aburon, i bukina b'a e a roko te tai are a na katuaaeaki iai.

Ieremia 50:31

B'aburon, ko riai n aranaki b'a, “Te aomata ae e kamoamoa.” Ma e a tia n roko te tai are N na katuaaeko iai Ngai ae te UEA ae Moan te M'aaka.

Ieremia 50:37

Ao i mwiina, a na rawa n ira te buaka aotin ami kaanibuaka ma ianena akana i buakoia ami taanga ni buaka, ao a na uotaki nako ni kabane akana kam kaawakin b'a kaub'aimi irouia ami kairiribai.

Ieremia 51:36

Au aomata, I mena n ami itera, N na kaoka te kai nakon B'aburon. N na korouaa ana ran ao e na m'autakataka ana karaanga n ran.

B'aeb'aeti 4:18

A toro karaniira ara kairiribai; e aki kona n reke naba nakonakora i nukan te kaawa. E a bon roko ara bong; e a roko te toki.

Taniera 5:26

Ao aikai nanon taeka aikanne: Te Ware, E a tia ni wareki m'aitin am bong te Atua, ao E na karokoa n tokina;

Amota 8:2

Ao E tuangai te UEA, “Tera ae ko nooria Amota?” Ao I kaangai, “te b'aene ni uaanikai.” E taku te UEA nako iu, “E a roko te toki i aoia Au aomata aika Iteraera. N na bon aki bita nanou i bukin oreaia.

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

Te Kaotioti 17:1

Ao e roko temanna mai buakoia anera ake itiman ake iai i rouia boora ake itiua, ao a taetae nako iu, ni kaangai, “Mai ikai; N na kaota nako im motikan taekan te kabekaau are kakannato are tekateka i aon raan aika bati;

Te Kaotioti 17:15

Ao e kaangai naba nako iu, “Raan ake ko noori, ike e tekateka iai te kabekaau arei, bon natanaomata, ma koraki n aomata aika bati, ma botannaomata, ma aomata nako aika a kakaokoro aia taetae.

Te Kaotioti 18:19

A kaaki te tano i aon atuia b'a a nanokawaki, ao a tang ma n tanginiwenei, ao a kaangai, “Ai kaawa ra, ai kaawa ra, te kaawa are kakannato, are a bane n reke mai iai kaub'aia te koraki ni kabane ake iai aia kaibuke i marawa, ni kaub'aina; b'a a kamaunaki kaub'aina i nanon teuana te aoa.”