Ieremia 51:11 - Te B'aib'ara

¹¹ Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Ieremia 51:11 Iomraidhean Croise

1.Uea 11:14

Bon kaain te utu ni uea mai Etom te aomata are Atata, ao e karikaki b'a ana kairiribai Toromon iroun te UEA.

1.Uea 11:23

Ao aei aron te UEA ni karika Retom are natin Eriata b'a ana kairiribai Toromon. E a tia ni biri nako Retom mai iroun ana toka, are Atatetera are uean Toba.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

2.Rongorongo 36:22

N ana moan ririki Tairati ni uea i aon Botia, ao te UEA e karaoa Tairati b'a e na kanakoa ana rongorongo nakon m'akoron abanueana ni kabane. E riki aei n aron are e a tia ni berita iai Ieremia are ana burabeti te UEA.

Etira 1:1

N ririki ake ngkoa, ao te UEA e kanakoa Ieremia ma rongorongon te berita b'a a na kainaomataaki Iteraera mai B'aburon i mwiin itibwi te ririki i bukiia Iteraera. Ao n ana moan ririki Tairati ni uea i aon Botia, ao e kakoroa nanon ana berita te UEA ngke e karekea Tairati b'a e na kanakoa ana rongorongo ae e taabangaki ataakina ni kabutaa m'akoron nako abanueana:

Itaia 10:26

N na kataereia kaain Aturia n taiani kainikataere, n aron are I a tia ni karaoia nakoia kaain Miria i rarikin te b'a are Orebi. Ao N na kaota nakoia te m'aaka naba are I kamanenaa ngkoa ni karaoa iai te kawai i nuukan taarin Aikubita.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Itaia 21:5

A karaoa aia baka n am'arake taiani mataniwi aika a rietaata i B'aburon. A am'arake ma ni mooi, ngke e a ti takaarua naba temanna ni kaangai, Mataniwi, kaei ami tabo! Kurii otangami.”

Itaia 41:25

Boni Ngai ae te UEA ae I rinea te tia tautaeka are i meang; ao ngkai e a roko mai mainiku b'a e na neboa arau. E na toubekaia taiani uea kaanga te bokaboka, kaanga taani karaoi m'angko aika a toubekaa te bokaboka.

Itaia 45:1

Ao e taku te UEA nakon Tairati, are e rineia: I a tia n taua baim te atai ni buokiko ni kataenikaia taiani botannaomata ao ni kanakoia taiani uea man m'aakaia. E na uki mataroan taiani kaawa nakoim; ao akea ae e na kainaki.

Itaia 45:5

Bon ti Ngai te UEA! Bon akea riki atua i rarikiu. I a tia ni kakorakorako, e ngae ngke ko aki ataai.

Itaia 46:11

ao I karokoa temanna man te aba ae e raroa nako b'a e na karaoa te b'ai ae I tangiria. E buaka mai mainiku, kaanga te aoki ae e kiba rikaaki. Ao ngkai N na kakoroa bukin au berita ma ni karaoa te b'ai are I a tia ni iangoia.

Ieremia 25:25

Timri, Eram, Meria,

Ieremia 46:3

E a boo tain te nako ni buaka! Ma ngaia are, anai ami otanga,

Ieremia 46:4

tokari ami aoti, ao karaneaneai ami kainiwai. Katokai b'arami ni buaka ao kunnikaimi ni buaka, ao kaei nnemi.

Ieremia 46:9

Waaki nako Aikubita ni karaoa ane ko taku. Tuangiia am kaanibuaka ao am taan toka i aoia aoti b'a a na buaka ni kakorakoraia. Tuangiia am taanga ni buaka b'a a na oti nako, ma kaain Itiobia ao kaain Ribia aika a uouoti aia otanga, ao kaain Ritia aika a uakainikatebe ao kanoanikatebe.

Ieremia 50:25

I a tia ni kaotinakoi Au b'ai ni buaka, ao I kaairi ma te kamaraia i aon B'aburon.

Ieremia 50:3

E na roko mai meaang buakanakiia kaain B'aburon; a na kaai ni biri nako ma aia man, ma ni katuka te aba ma akea kaaina.

Ieremia 50:45

Ongora n Au babaaire i bukimi, kaain B'aburon. Ane a na uaakinaki nako natimi, ao e na kamaunaaki abami.

Ieremia 50:9

Mai meaang, N na karokoia botannaomata aika a korakora n ti teuana. A na buakana B'aburon ao a na taua. Ti te bo kanoan aia katebe ma aia kanoa tautia aika a bane aroia ae a bon teeteke naba aia taakete.

Ieremia 51:12

Irakea te buraeki are te kanikina ao buakana oon nako te kaawa. Kateirakeia riki taan tei aika a bati. Tuangiia tautia b'a a na tararuaa te kaawa ma ni katea te taanga ni buaka ni bakairaa. I a tia ni karaoa te kawai i bukin uruakakin B'aburon, ao akea te b'ai teuana ae e na konaa ni katokai.

Ieremia 51:24

Ma ngkai, a na mataku Au aomata ngkana I anganiko boom i bukin te b'ai are ko karaoia nakon Tion.

Ieremia 51:35

A kaikoakia tabeman maibuakora kaaini B'aburon ao a tiringiia tabem'aang. Ngkai, te UEA, karaoia b'a a na kabooa mwiina!”

Ieremia 51:36

Au aomata, I mena n ami itera, N na kaoka te kai nakon B'aburon. N na korouaa ana ran ao e na m'autakataka ana karaanga n ran.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Ioera 3:10

Karaoi taiani kabaang man taian b'ai ni b'arau ao karaoi taiani kainiwai man b'aini m'akurin te nne n aroka. Kakorakorai taabo aika a mamaara.”

Ioera 3:9

Ko na kaangai nakoia botannaomata nako: “Katauraoi nakon te buaka! karin angimi nakon te buaka. Katea ami raian nakon te buaka ao katauraoi nakon te buaka.

Nakoaia Ibonga 26:25

E na riki te buaka i bukina b'a kam urua ara boraraoi, ao ngkana kam biri nakon ami kaawa ake a oaki, ao N na katuaaingkami n te aoraki ae e korakora, ao kam na reke irouia ami kairiribai.

Tekaria 14:12

Aio te b'ai ae E na karaoia te UEA nakoia aika a buakana Ierutarem: ngkana a tei ikekei, e na kam'aungi irikoia ao a na b'aka reben kanoan mataia ni kabane mai mataia ao e na nna nako neweia n oti nako.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.