Ieremia 50:3 - Te B'aib'ara

³ E na roko mai meaang buakanakiia kaain B'aburon; a na kaai ni biri nako ma aia man, ma ni katuka te aba ma akea kaaina.

Ieremia 50:3 Iomraidhean Croise

Karikani B'aai 6:7

Ma ngaia are, E a taku, “N nang kamaunaiia aomata aikai ake I a tia ni karikiia, n reitaki naba ma maan ni kabane aika kawakawa ma aika kibakiba, e bon raoiroi riki ngke I aki karikiia.”

Te Otinako 12:12

N na ri nanon te aba are Aikubita nakon te tairiki, n tiringiia karimoa mm'aane; natiia aomata ma maan, ao N na katuaaia antin Aikubita. Bon te UEA Ngai.

Itaia 41:25

Boni Ngai ae te UEA ae I rinea te tia tautaeka are i meang; ao ngkai e a roko mai mainiku b'a e na neboa arau. E na toubekaia taiani uea kaanga te bokaboka, kaanga taani karaoi m'angko aika a toubekaa te bokaboka.

Itaia 45:1

Ao e taku te UEA nakon Tairati, are e rineia: I a tia n taua baim te atai ni buokiko ni kataenikaia taiani botannaomata ao ni kanakoia taiani uea man m'aakaia. E na uki mataroan taiani kaawa nakoim; ao akea ae e na kainaki.

Ieremia 21:6

N na kanakoa te aoraki ae moan te kakamaaku ma e na tiringiia aomata aika a m'aiti ao maan nako i Ierutarem, ao e na akea te b'ai teuana ae e na tiku ae e na konaa ni kanaki.

Ieremia 50:9

Mai meaang, N na karokoia botannaomata aika a korakora n ti teuana. A na buakana B'aburon ao a na taua. Ti te bo kanoan aia katebe ma aia kanoa tautia aika a bane aroia ae a bon teeteke naba aia taakete.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Ieremia 51:48

ngkana e a buaka te taanga ni buaka mai meaang ma ni karokoa te urub'ai. Ao i mwiina, a na kukurei aonnaba ma taiani karawa ma b'aai ni kabane ake iai.

Ieremia 51:62

ao i mwiina, ko na tataro ni kaangai, “Ara UEA, Ko berita ngkoa b'a Ko na onika te tabo aei nakon te rereua ike akea aomata ke taiani man ae a na maiu iai.”

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

Teb'ania 1:3

aomata ma maan aika a kawakawa, mannikiba, ao ika. N na kamaunaia aomata aika a buakaka. N na kamaunaia aomata n aekaia nako, ao akea ae e na tiku ni maiu, bon ana taeka te UEA.”