Ieremia 50:2 - Te B'aib'ara

² Anga te kanikina ao katanoataa taian rongorongo! Kam na aki karabaa! E a tia ni b'aka B'aburon! E a tia ni maerikiriki te anti are Merotaka! A kamaamaaeaki bouanantin B'aburon, ao a kamanatuaaki bannaia aika a rangi n ribaaki!

Ieremia 50:2 Iomraidhean Croise

Taian Areru 64:9

A na bane ni maaku; A na iangoa te baere E a tia ni karaoia te Atua ao a na taekin nakoia aomata.

Taian Areru 96:3

Katanoata kakannatona nakoia botannaomata ni kabaneia, ao ana m'akuri aika kamimii nakoia aomata nako.

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 13:2

Ko na anga te kanikina, takaarua n anga te babaaire n te tabo ae e rietaata i aon te tabuki ae akea arokan aona, ao kotea te kawai n rin nakon aia mataroa taan tautaeka aika a kamoamoa i B'aburon.

Itaia 21:9

Ao ngkai I a nooriia taanga n tautia teuana ma teuana aika boorein aika taan toka i aoia aoti.” Ao e takaarua temanna ni kaangai, “E a b'aka B'aburon! a bane ni wene n uruaki taiani bouannanti i aon tano ni uruaki.”

Itaia 37:19

A tia n urui taian bouannanti aika taiani kai ma atiibu ake a tia ni karaoi ao n tataromauri iai botannaomata aikai.

Itaia 39:1

E a uea ngkai te m'aane ae Merotaake Baratan i aoni B'aburon. Ao ngke e ataia ae e a marurung Etekia, ao e a kanakoa ana tia uarongorongo ma taian reta ao taiani b'aintangira nakoina.

Itaia 46:1

A b'aka i aoni waeia, te anti are Bere ao Nebo ngke a uotaki nako bannaia ake taiani kai i aoia maan aika a korakai.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 48:6

Kam ongo ngkoa te b'ai are I taekinna, ao kam a tia n nooria b'a e a tia n riki. Ngkai kam na taekinna b'a e boni koaua! N na kaoti nakoim b'aai aika a raba aika kam tuai man atai.

Ieremia 10:11

Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 10:15

Kaanga bon ti taian b'ai ni keekewe ao a na manga kamaunaaki ngkana e a roko te tai.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Ieremia 4:16

E taku te UEA, “Tuangiia botannaomata b'a a tia au aomata ni kakaitaraai. Ngaia are e na roko te taanga ni buaka man te tabo ae e raroa n otab'aninia Ierutarem ao kaawan nako Iuta. Bon aio au taeka Ngai ae te UEA.

Ieremia 4:6

kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

Ieremia 46:14

“Ko na taetaekinna i nanon kaawan nako Aikubita, i Miketora, Membiti, ao Tabaneti ni kaangai: katauraoi ni bon tei i bukimi; b'aai ni kabane aika iroumi a na bane n uruaki n te buaka!

Ieremia 50:46

E na ongo te aba karongoaan uruakakimi i buakoia botannaomata nako, ao e na ruru te aonnaba.

Ieremia 51:12

Irakea te buraeki are te kanikina ao buakana oon nako te kaawa. Kateirakeia riki taan tei aika a bati. Tuangiia tautia b'a a na tararuaa te kaawa ma ni katea te taanga ni buaka ni bakairaa. I a tia ni karaoa te kawai i bukin uruakakin B'aburon, ao akea te b'ai teuana ae e na konaa ni katokai.

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.

Ieremia 51:31

A roko taan uarongorongo temanna i mwiin temanna ni katanoataa nakon te uea ae e kaangai, “E a tia n tauaki B'aburon!

Ieremia 51:44

N na katuaaea Maretuka, are antin B'aburon, ma ni karaoia b'a e na mumutai b'aai nako ake e kab'auti. Ao i mwiin anne, a na aki manga uoti aia b'aintangira botannaomata nakoina, ao a na maerikiriki oon nako B'aburon.

Ieremia 51:47

E a roko te tai are N na katauaea iai antin nako B'aburon ni kewe. A na bane ni mate aomata, ao e na b'ainrang te botannaomata ae e b'anin,

Ieremia 51:52

N te tai ae e aki maan N na karokoa te buaka b'a e na katuaai ana bouananti nako B'aburon ma ni katikuia kaaina aika a ikoaki n tang man taabo nako.

Ieremia 51:8

Ma e na rina ni b'aka B'aburon ao e na uruaki. Boni Ngai ae te UEA ae I tuangiia ianena ake a maeka ikekei ni kaangai, “Taang i bukin te kaawa! karekea te b'ainaoraki i bukin ikoakina; tao a na bae n raoiroi.”

Ieremia 52:31

Bon te taenikai Ieoiakin i B'aburon i nanon tenibwi ma itiua te ririki. Ao i mwiina, e a uea te Merotaka te Buakaka i aon B'aburon, ao n ana moan ririki n tautaeka, n te kauabwi ma nimaua ni bongin te kauabwi n nam'akaina, e a kaotinakoa Ieoiakin man te karabuuti.

Ieremia 6:18

Ai ngaia are I tuangiia botannaomata nako n te aonnaba ni kaangai, “Mataku n te b'ai ae N nang karaoia!

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Taniera 3:14

Ao e taku nakoia, “Tiateraka, Metiaka, ao Abeteneko, e boni koaua b'a kam rawa n taromauria antiu, ke ni bobaraaki nakon te bouananti are te koora are I kateia?

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.