Ieremia 50:11 - Te B'aib'ara

¹¹ Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Ieremia 50:11 Iomraidhean Croise

Taian Areru 22:12

A otab'aniniai kairiribai b'a kanga ai aroia kaaom'aane aika bati, kanga kaao-m'aane aika korakora mai Batian aika korakora.

Taeka n Rabakau 17:5

Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Itaia 47:8

Ko taku inanom b'a ti ngkoe ae ko rangi ni m'aaka, n te aro are manga akea buum ma ni bua natim nako. Ti te b'ai ae ko tabeakinna bon te kukurei, ma ko na kakauongo nakon te b'ai ae I taekinna.

Ieremia 12:14

E taku te UEA, “Bon iai te b'ai ae N na taekinna nako ia raon Iteraera ake a tia ni kurib'aia te aba ake I a tia n anganiia Iteraera. I anga te aba aei nako ia au aomata, ma e a otab'aniniaki irouia kairiribai ma ni buakanaki ma ni kurib'aiaki. Ma ngaia ae, N na koutiia nako man abaia n aron naba ngkoa are I karaoia nako ia kaain Iuta mai abaia.

Ieremia 46:20

Ko na buakanaki irouia, kairiribai mai meang, ngkoe ae Aikubita ae ko tamaroa, kaanga te nango ae e tenaa te kao.

Ieremia 46:21

Ane a na rairaki ni biri, aia tautia ianena aika a kabooaki. Ma a reke n te kabuanib'ai, kaanga taian kao ataei aika a kamarikaaki raoi aika a kairaki nakon te tia tiringa te tiibu.

Ieremia 5:28

ao kam tetekeraoi, ma kam rawa ni buobuoki nako ia aika a kainano ni karekea nako ia te moti ae e raoiroi ni bon aron ae e riai n reke nako ia.

Ieremia 5:8

Ti te bo ngkami ma taiani man, kam tatangira te wenenibure n taai nako ma buuia aomata tabem'aang.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 50:27

Tiringiia tautian B'aburon, i bukina b'a e a roko te tai are a na katuaaeaki iai.

B'aeb'aeti 1:21

“Ongora n au b'aeb'aeti; bon akea temanna ae na kabebeteai. A rangi ni kukurei au kairiribai ngkai Ko karokoa te kaanganga i aou. Karokoa te bong are Ko a tia ni berita iai; ao manga karokoa te kaangaanga i aoia au kairiribai n ai aron are e roko irou.

Etekiera 35:15

n arom naba ngke ko karaoa am bootaki ni kukurei ngke e kamaunaaki Iteraera. E na riki n akea manenan am botannaomata ae Etom b'a e na riki b'a te aba ae akea manenana. Ao ane ko na ataia iai b'a bon te UEA Ngai.

Etekiera 36:5

Ma N na rairaki nakoia botannaomata aikai ma uniu ae e korakora, ai moara ra riki ake a oom'aaka ngareia ni ngareakiniko ma n taui ami tabo n uteute nako.

Otea 10:11

Ngkai Ko a tia n ongotaeka ngkoa kaanga te kao te ataei are e kukurei ni manga kaaki kunin te uita. Ma N na kaaki te b'ai n toka i aon roroam ae e korakora; ao ko na kaai ni kamaraua te tano ngkoe ma Iuta ma n unika te tano.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Ob'aria 1:12

Ko bon riai n aki ngareakina tarim ae Iuta i nanom ngkai e a reke n te kangaanga Ko bon riai n nanokawaki n te bong are e buakanaki iai aia kaawa Ko bon riai n aki kakanikoia ngke a taonaki n te rawaawata.

Ab'akuka 1:15

A katikiia rake aomata i B'aburon n te matau, a tauia n te karaun, ao a takaarua ni kukurei i bukin rawatan konaia.

Tekaria 14:12

Aio te b'ai ae E na karaoia te UEA nakoia aika a buakana Ierutarem: ngkana a tei ikekei, e na kam'aungi irikoia ao a na b'aka reben kanoan mataia ni kabane mai mataia ao e na nna nako neweia n oti nako.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.