Ieremia 5:7 - Te B'aib'ara

⁷ Kaain Iuta, N na kangaa ni kab'ara ami bure? I anganingkami b'aai nako, ma kam kiitanai ao kam taromauri bouannanti. Ngkami aika mm'aane kam nako ni kawariia ainen matawa ao kam aki kakaonimaki nako ia buumi.

Ieremia 5:7 Iomraidhean Croise

2.Rongorongo 13:9

Ao bon akea naba ana kariki Aaron n ami itera, i bukina b'a kam kakioia nako ana ibonga te UEA ao kanoan Rewi. Ao ko a manga rineia aomata n aki akaaka b'a a na manga riki b'a ibonga n onea mwiia, n aron are a karaoia botannaomata ake ianena. Ni bon koauana, ao a boni konaa n riki b'a ibonga aomata ni kabane akana a uoti aia kao ao itiman taian tiibu m'aane nakon te baonikarea nakoia akana a aranaki b'a antim.

Iobi 31:12

E na bon riki b'a te ai ae kamamate nako Iu are e na kabuokai ma au b'ai ni kabane.

Taian Areru 50:18

Ko riki b'a raoia taan iraa akana ko kaitibo ma ngaiia; Ao ko reitiko ma taani wenenibure.

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 13:27

N na buuta kunnikaimi ma ni kabebekaningkami ao ni kamamaaingkami b'a a na nooringkami aomata nako. Kam a reke n te kabuanib'ai! Kam konaa ni karaoa ae e raoiroi ni manga taromauriai riki?

Ieremia 16:11

Ao i mwiina, ko na tuangiia te b'ai ae I a tia n taekinna: Kaain Iuta, a tannako ngkoa ami bakatibu ma i Rou, a katinanikui Au tua ao Au reirei ao a manga moana taromaurian anti tabem'aang.

Ieremia 16:20

Taiani bouannanti aika a karaoaki a karaoaki ni bain te aomata.”

Ieremia 2:11

ao ane kam na nooria b'a bon akea te botannaomata ae e a tia ni kiitana antina e ngae ngke tiaki atua ni koaua. Bon ti Ngai te Atua ni koaua ae E mimitong, ao kam a tia ni katinanikuai i bukin taromaurian taian bouananti.

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 23:10

A a tia ni kaburei kamanenaakin m'aakaia taian burabeti aika aki kakaonimaki i aon te aba arei ni kabuta. Ma ngaia are, E oniki aaba n uteute te Atua nakon taian rereua aika a kabuebue.

Ieremia 3:19

I aki toki n tangiria b'a N na karaoingkami b'a kaanga bon au ataei ma n anganingkami te aba ae te kabanea n tamaroa, te aba ae te kabane n tikiraoi i aon te aonnaba. I tangiringkami b'a kam aranai b'a “Tamami” ao kam na aki rairaki nako mairou.

Ieremia 3:8

ma e ngae n anne, ao I bon tangiria naba b'a e na okirai. Ma e aki, ngaia are I a kaakiia ma ni kanakoa. E noora te b'ai ae e riki tarina are te abanuea are Iuta, ma e bon aki tabe naba iai, ao I tarataraia ngke e a manga moana naba ana aki kakaonimaki kaanga tarina.

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Ieremia 9:2

Tera ngke I konaa n nakon te rereua ni kakaaea te tabo ni karabaraba mairouia aomata ni kabane aika a b'anganikewe ao aika a aki kakaonimaki nakon te Atua.

B'aeb'aeti 3:42

Ti a tia ni bure, ao ti a tia naba ni kaaitarako te UEA, ao Ko tuai kab'arai ara bure.

Etekiera 22:11

ke ma buuia tabem'aang. Ao tabeman a manga matu ma oin ai m'aaneia natin tamaia ke tinaia ma temanna.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Otea 13:6

I kaam'arakeingkami ni karokoa kam rauaki, ao i mwiina, kam a manga kainikatonga ao kam m'aninga taekau.

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Otea 7:4

A bane aomata nako n tam'are nanoia ti te bo ngaiia ma taiani kooro i nanon te ainumuum, ae e tauraoi ni kanakoa urana.

Nakoaia Ibonga 20:10

Ngkana iai te m'aane ae e wenenibure ma te aine temanna, a na uaia ni kamateaki ni kauoman.

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

1.I-Korinto 8:4

Ma ngaia are i bukini ngkanne kanakin am'arake ake karea nakoni bouannanti, ao aei taekana: ti ataia b'a akea te bouannanti ae maiu i aonnaba, ao bon ti temanna te Atua ni koaua, ao akea riki.

I-Karatia 4:8

Ma kam aki ata te Atua ngkekei, ao kam toro irouia baika iai m'akaia aika tiaki atua;

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.