Ieremia 5:26 - Te B'aib'ara

²⁶ E kam'aneia maan te tia kaeman ao e kaaki i nanon ooia, ma iai ake a kam'aneia aomata ma ni karikiia b'a aia toro.

Ieremia 5:26 Iomraidhean Croise

Taian Areru 64:5

A kaungaia i bon irouia nakon nanoia n ribuaka; A i taetae irouia b'a a na katuka ia aia b'ai ni kam'am'ane, ao a kaangai, “Akea ae kona n norira.”

Taeka n Rabakau 1:11

ngkana a kaangai, “Nakomai! Ti a katea ara kaeng ao ti a tiringiia aomata b'a ti na ngare iai!

Itaia 32:7

A taekina te kewe aomata aika a iowawa a karaoi m'akuri aika a buakaka, ao a karaoi babaaire aika a iowawa ao a tiringiia aika a maiu ni kainano ao a tangira buokaia, ngkana a buubuti i bukin te eti.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Ieremia 18:20

I kataia ni buokiia, ma a manga kabooa mwiina ni kena te m'anono ni kam'ane i buku. I bon butiiko naba b'a Ko na aki katuaaia.

Ieremia 18:22

A a tia ni ken taian m'anono aomata aikai ma b'ainikam'ane i buku, te UEA. Karaoia b'a a na takaarua ni maaku ngkana Ko kanako ia taanga ni buaka b'a a na buakan mwengaia nako.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 9:8

A taku b'a a tangira te rau, ma bon te kewe ae e kamaamate aei, ti te bo ma te kanoanikatebe ae ko teke iai ae ko aki kaantaningaia.

Mika 6:10

Iai te kaub'ai ae e reke n te babakanikawai i nanon aia auti aomata aika a buakaka. A kamanenai b'aai ni baire aika a kaairua, ao bon aikai baika I bati n ribaai.

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Ruka 5:10

ao a mimi naba n aei Iakobo ma Ioane ake natin Tebetaio b'a ngaiia ake raon Timon. Ao E taku Iesu nakon Timon, “Tai maaku; b'a man te tai aei ao ane a na reke aomata b'a konam.”