Ieremia 5:22 - Te B'aib'ara

²² riai n taromauriai ma te maaku ma n ruru? Boni Ngai ae I karaoa te bike are tokin te marawa. A na b'aro nao i aon te bike, ma bon ti tokiia anne.

Ieremia 5:22 Iomraidhean Croise

Karikani B'aai 1:9

Ao E taku te Atua, “Ke a bootaki n te tabo ae ti teuana raan ake i aani karawa b'a e aonga n otirake te aba mai iai,” ao e koro bukin are E taekinna.

1.Uea 13:28

ao e a m'ananga. Ao e a noora rab'atana ni mate i nanon te kawai ma te aati ao te raian aika a teitei ikekei. E aki kana rab'atan te burabeti arei te raian ke n tiringa te aati.

Iobi 26:10

E korea te mronron i aon taari b'a te tia i marenan te oota ma te roo.

Iobi 37:24

Ma ngaia are, a bane ni maakua aomata ni kabane, ao E aki kubariia aomata ake a taku b'a a wanawana.

Iobi 38:8

Antai ae kaina te mataroa n tuuka rinin taari ngkana a b'aroa aonteaba?

Taian Areru 104:9

Ko katei tiaia, b'a a na aki manga ri aona; B'a a aonga n aki manga rabuna aon te aba.

Taian Areru 119:120

I ruru b'a I makuko: I maaku n am Moti.

Taian Areru 33:7

E boboti ranin marawa n te tabo ae ti teuana; E kain taiani marawa i nanon ruu.

Taian Areru 46:3

E ngae ngkana e roko korakorani buakani marawa ae e ingiing iai mataniwin te aba.

Taian Areru 99:1

Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Taeka n Rabakau 8:29

I mena ikekei ngke e kawenea tian taari b'a e na ongotaeka i rouna, ao ngke e kawenei taian aana ake a na bakatokoa te aonnaba.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Itaia 64:2

Riiki b'a te kia are e kauraa te ai are e na kaburoa te ran. Ao i mwiina, ane a na ataiko iai am kairiribai b'a te aeka n aomata raa ngkoe; ane a na bane n ruru aomata nako i bukina b'a ko raroa nako.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 31:35

Bon te UEA Ngai ae Moan te M'aaka. I tuanga taai b'a e na anga te oota ni katoa bong, nam'akaina ao itoi b'a a na oota n te tairiki, ao naao b'a a na rurunga.

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Amota 4:12

Ao ngkai Iteraera, N na katuaai ngkami katauraoi ngkami ni kaaitaraa Atuami!

Amota 9:6

E karaoa mwengana te UEA i karawa, ao aon te aba b'a te aana. E wetei raan mai i aan taari ao E kab'aroi i aon te aba. Bon te UEA arana!

Iona 1:16

Ao a maaka te UEA kaimoa ao a anga karea nakoina, ao n tuea b'a ana m'akuri i bukina.

Naum 1:4

E tua ao e ora taari. E kaorai taiani karaanga. A rai uteuten tawaanan Batian. Ao Maungan Karemera e bitaki nakon te buraun, Ao a b'ata ueen Reb'anon.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mareko 4:39

E teirake Iesu mani matuuna, ao E takua te ang ma te nama, ni kangai, “Tai karongoa! Kainab'aabu!” E b'aka te ang, ao iai te raoi.

Ruka 12:5

Ma N na tuangngkami ae kam na makua: kam na maaka Teuare kona n tetewe nako Keenna, ngkana E a tia n kamaamate; eng, I tuangngkami b'a kam na makua.

Te Tua-Kaua 28:58

Kam na ongotaeka nakoni b'aai ni kabane akana a m'akoro n ana Boki n Tua te UEA, b'a ngkana kam aki karinea te UEA,

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”