Ieremia 5:17 - Te B'aib'ara

¹⁷ A na kana uaan arokami ma ami nanai ni man te botannaomata aei A na bon aki katuka te uaa teuana i aon ami kureebe ke arokami. E ngae ngke kam mano i akuun ami nono aika a matenten, ma e na bon uruaki naba ami kaawa nako ao a na bon tiringaki naba natimi.

Ieremia 5:17 Iomraidhean Croise

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Itaia 62:9

Ngkai kam bon taiia ami uita ma te kureebe, ao kam na boni kana naba te kariki ma te nano ni kaaitau, ao kam na nima ami wain n au Tembora.”

Itaia 65:22

A na aki katei auti ao ni kaainaki irouia tekorakina; a na aki karaoi onaroka ao ni kanaki uaaia irouia tekorakina; b'a bongini maiun te aroka ai aron bongini maiuia au aomata, ao au aomata ake a rineaki a na maan aia tai ni kukurei ni m'am'akurin baiia.

Ieremia 1:15

Ko na mataku ngkana I weteia uea mai meang. Ane a na buaka ma n taua Ierutarem ao kaawa tabeua, ao i mwiina, a katei aia kaintokanuea ni mataroan nako Ierutarem.

Ieremia 25:37

n unna ao ni katuka abami are e rau ma te urubekebeke.

Ieremia 4:26

A riki b'a taian rereua taabo n ununiki ngkoa, ao a uruaki kaawa nako. E kariki b'aai aikai ni kabane unin te UEA ae e kakamaaku.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 5:18

E taku te UEA: Ieremia, a na aki tiringiia ni kabane kaain Iuta kairiribai.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 50:7

Boni Ngai ami tabo n uteute, te tabo teuana are e anga te kaantaninga nako ia ami bakatibu. Ma kam kiitanai, ma ngaia are, ngkana kam reke irouia ami kairiribai, ao bon akea aia bure iai ngkana a kab'autingkami.

Ieremia 8:13

N na kamaunaia, Bon taiani kureebe ngaia aika akea uaaia; taiani biiku aika akea uaaia ke baaia. Bon akea te b'ai teuana ae a tia ni karaoia ni b'aai ake I tuangiia! Bon aio au taeka Ngai ae te UEA.

Ieremia 8:16

A a tia ni roko ara kairiribai ni kaawan Taan ake i meang, ao ti a maaku n tangitangin ikeiken aia aoti. A na kamaunaa Ierutarem ma ara botannaomata ni kabane ara kairiribai. Bon akea temanna ae e na reke maiuna.”

B'aeb'aeti 2:12

A tangira kanaia ma nimaia nakon tinaia; a b'aka n tong i nanon te kawai i nukan te kaawa b'a kaanga aron ae a ikoaki, ao a karaurau ni mate i m'anokaia tinaia.

B'aeb'aeti 2:2

E na bon kamaunai kaawan nako Iuta te UEA n akea ana nanoanga. Ao E na katabwenai taian nono ake otangan te aba. E uota te rawaawata nako aon abanuea ma taan tautaeka.

Etekiera 36:4

Ma ngaia ae kam na bane n ongora ngkami aika maunga ao tabuki, raanga n ran ma m'arua, nakon te b'ai ae I karaoia. A na wene n uruaki ami kaawa nako, ao a na bae ni ngare ma ni kamamaaingkami botannaomata nako.

Otea 2:12

E taku, “A anganai au tangira taian nnenikureebe ao taian aroka ake taiani biiku b'a boou i bukin te wene ni bure.” Ngkai, Ngai ae te UEA, N na urui ana nnenikureebe ao arokana taian biku; a na riki b'a taian b'ariko n uita uteute aika a kanaki irouia maan aika a aki manana.

Otea 8:14

Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.

Ioera 2:3

A na katobibiaki n taian ai aika a ura: ao akea temanna ae e na biri nako. Ti te bo te aba ma Eten i m'aain kataenikaiana; ao ngkai ti te rereua n tiku.

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Teb'ania 3:6

E taku te UEA, “I a tia n teweia nako botannaomata. I a tia ni kamaunai aia kaawa, ao a tiku n uruaki aia oo ma aia taua. E a riki n rereua aia kaawa; a akea kaain te kaawa-bon akea nikiraia.

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.