Ieremia 5:10 - Te B'aib'ara

¹⁰ N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

Ieremia 5:10 Iomraidhean Croise

2.Rongorongo 12:4

E tauia kaain te kaawa are e buubura are e nonoaki i Iuta ao i mwiina e a manga m'ananga nako Ierutarem.

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Ieremia 2:21

Bon te kureebe ngkoa ngkami aika kam rineaki, ma ngkai a akea te b'ai ae e na reke iroumi ma ai ti taian kureebe aika a uarereke aika a buakaka.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 4:27

E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Ieremia 5:11

A a tia n aki kakaonimaki nako iu kaain Iuta ma Iteraera n aaro aika a bati,

Ieremia 5:18

E taku te UEA: Ieremia, a na aki tiringiia ni kabane kaain Iuta kairiribai.

Ieremia 5:9

E aera ngkai N na aki katuaaia kaain Iuta?

Etekiera 12:16

Iai tabeman aika a na reke maiuia i mwiin te buaka, te mate ni baki, ao man te aoraki ae e kamaamate. Anne aroia are a na konaa iai n tuangiia iai ianena korakoran ribaakin aia bure, ao bon te UEA ae E katuaaia n aron aei.

Etekiera 14:17

Ke ngkana I kanakoa te kairiribai b'a e na buakana te botannaomata ae e buubure aei man tiringiia aomata ma aia man.

Otea 1:9

Ao E a manga taku te UEA, “Aranna b'a Roo-Ammi, b'a bon tiaki Au aomata aikai, ao tiaki Atuaia Ngai.”

Amota 9:8

Boni Ngai te UEA ae rietaata ae I aki toki n nonorii aia m'akuri aika a bure aomatan te aba ni uea ae Iteraera, ao N na bon kamaunaia mai aon te aba. Ma N na bon aki kabaneia ni kamaunaia kanoan Iakob'a.

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.