Ieremia 49:3 - Te B'aib'ara

³ Kam na tang kaain Etibon: E na riki ami kaawa b'a b'ariko n atiibu aika a maerikiriki. Ane kam na rairaki n aki akaaka, ma a na bonotaki kawaimi. Karin kunnikai n aki akaaka i aomi ao taang, ngkami aika kaain Rab'a, i bukina b'a a na anaaki bouananti ake kam taromauri nako abaia ianena, n reitaki ma ibongana ao mataniwiin ana Tembora.

Ieremia 49:3 Iomraidhean Croise

2.Tamuera 11:1

E a kaan banen bongin te aumeaang, bon taai are a naanako iai taian uea ni buaka. E kanakoa ana taanga ni buaka Iteraera ae e b'anin i aan ana kairiiri te kam'anta are Ioaba ma ana aobitia. A kamaunaa ana taanga ni buaka Ammon ao a otab'aninia atuun kaawan te tautaeka are Rab'a, ma e tiku Tawita i Ierutarem.

1.Uea 11:33

A aki katotoonga Tawita are ana bakatibu Toromon ma Iteraera. A aki ongotaeka irou, ke ni karaoi baika a raoiroi. A tia n rairaki nako mai irou ni manga taromauria Nei Atiterota, are antiia Titon ma Kemoti are antin Moaaba, ao Mirekon are antin Ammon.

1.Uea 11:5

Ao Toromon E tataromauria te anti te aine are Nei Atitoreta are antin Titon, ao Mirekom are antiia kaain Ammon ae e rangi n ribaaki.

2.Uea 23:13

I mwiin anne, e kaini taiani baangota ake e karaoia ngkoa Toromon i mainikun Ierutarem ao i meangin te Tabuki are Mate i bukin karinean Nei Atiterota are antiia kaain Titon ae e rangi n ribaaki, ao Kemoti are antiia kaain Moaaba ae e rangi n ribaaki, ao Mirekom are antiia kaain Ammon ae e rangi n ribaaki.

Etira 2:28

tebubua uangaun ma uoman man te kaawa are Mikemati;

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Itaia 16:7

Tuangiia kaain Moaaba ni kabane b'a a na tang i bukin aia botannaomata. Tuangiia b'a a na tang ma ni katuu ranin mataia i bukin kureeben Kiri-Areteta aika a tamaroa.

Itaia 23:1

Aio te rongorongo man te abam'akoro ae e raroa nako ae taekan te kaawa ae e buubura are Turo: Kam na tang ngkami aika kaibuke ni m'am'ananga! A na wene n uruaki autin Turo ni kabane.

Itaia 23:6

Kam na bane n tang ngkami akana kam maeka i mataniwiin taari ao kam na ie nako ni kararoai ngkami i marawa.

Ieremia 4:8

Ao i mwiina, I taku nako ia Iteraera, “Karin i aomi kunnikai aika mangaingai! B'aeb'aeti ao taang ni kaangai, E bon teimatoa naba n un te UEA iroura.’ ”

Ieremia 46:25

Bon te UEA Ngai ae Moan te M'aaka, ae Atuaia Iteraera. N na katuaea te anti are Amon are antiia kaain Teebeti ao antin Aikubita ake tabeua, uean Aikubita, ao kaain Aikubita, ao aomata aika a onimakina m'aakan Aikubita.

Ieremia 48:2

Akea ae e na karineko, Moaba. Ana iangoa aron tiringakim kairiribai i Etibon. E na ti katuka te aki kakarongoa Au kabaang n oin ami kaawa are e aranaki b'a “Aki Karongoaa.”

Ieremia 48:20

Ane a na kaeka ni kaangai, “E a tia Moaba n taenikai! Kam na kaai n tang ma ngaira ma te mamaa. Tuangiia aomata ni kabane n te Karaanga are Arenon b'a e a uruaki Moaba.”

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Ieremia 48:7

Tao kam taku b'a kam konaa ni mano ni m'aakami ao kaub'aimi, ma ane kam na tauaki n reitaki ma antimi are Kemoti, ma ana ibonga, ao ana mataniwi nako.

Ieremia 49:1

E taekina te b'ai aei te UEA i bukiia botannaomatan Ammon: A rangi ni m'aiti natiia Iteraera aika a b'aib'ai n te aba. Ma ngaia are, e aera ngkami aika taan taromauria te anti are Mirekom ngkai kam a anai taiani kaawa ao aaba ake aia b'ai kaain te baronga are Kata?

Ieremia 51:8

Ma e na rina ni b'aka B'aburon ao e na uruaki. Boni Ngai ae te UEA ae I tuangiia ianena ake a maeka ikekei ni kaangai, “Taang i bukin te kaawa! karekea te b'ainaoraki i bukin ikoakina; tao a na bae n raoiroi.”

Ieremia 6:26

ao a buaka n aki anga te katauraoi. Ma ngaia are, kam na tang ngkami aika au aomata, n ai aron ae e a tia ni mate natimi. Karin kunnikai aika a karaoaki n taian kunnikai aika a mangaingai ao kam na rabinobino nako nanon te b'ariko ni mannang.”

Amota 1:15

Ana uotaki nako aia uea ma aia b'akuaku b'a taenikai. Boni Ngai, ae te UEA ae I taetae!

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

Iakobo 5:1

Ongora ngkai, ngkami akana kam kaub'ai: kam na kanenei b'anaami n tang ni korakai i bukin aaro ni karawaawata aika nangi riki nakoimi.

Iotua 7:2

E kanakoia tabeman m'aane Iotua mai Ieriko nako Ai, are i mainikun te kaawa are Betaera, i rarikin Beta-awen, b'a a na tuoa aon te aba. Ao a kaoka aia kaongora ngke a tia n tuoa te aba,

Iotua 8:1

E taku te UEA nakon Iotua, “Ko na kairiia am tautia ni kabane ni waerakea te kaawa are Ai. Tai maaku ao tai b'ara n nano. N na anganiko te tokanikai i aon uean Ai. Ko na taua taekana ma ana aomata ma ana kaawa, ao abana.

Iotua 8:28

E kabuoka Ai Iotua ao e karikia b'a te tabo ae akea bonganana ni karokoa boong aikai.