Ieremia 49:23 - Te B'aib'ara

²³ E taku te UEA i bukin Tamateko: A a tia n ongo rongorongom ae e aki raoiroi ni kaawa aika Amata ao Arab'ata. A a tia ni bua aia kaantaninga, ao e a taoniia te nanououa kaanga ai aron naon marawa.

Ieremia 49:23 Iomraidhean Croise

Karikani B'aai 14:15

Ao e tib'atib'aia ana taanga ni buaka nakon aia kurubu nako, ao a buakaniia aia kairiribai ngke e a bong, ao a kataenikaia. Ao a kakioia ni karokoa Ob'a are i meangin Tamateko,

Karikani B'aai 15:2

Ma e kaeka Aberam, “Te UEA ae Moan te M'aaka, tera bonganan kaniwangau ae Ko na anganai ngkai, ao e tuai man reke natiu? Ao e nang b'aib'ai i mwiiu ngkana I mate teuare Erietera are kaain Tamateko.

2.Tamuera 17:10

Ma ngaia are, ngkana ko ninikoria kaanga te raian ma e na bon bua naba ninikoriam. A bane n ataia aomata b'a bon te tia buaka ae e korakora tamam ao te tautia ae e ninikoria.

2.Tamuera 8:9

A tia ni kairiribai te uea are Toi mai Amata ao te uea are Atatetera. Ma ngaia are, ngke e ongo Toi ae e a tia Tawita ni kataenikaia ana taanga ni buaka ae e b'anin Atatetera, e a kanakoa natina te m'aane are Ioram n angan Tawita te kaaitau.

1.Uea 11:24

I mwiin konakin ana taanga ni buaka Atatetera iroun Tawita, ao e bobota ana taanga ni buaka ae e uarereke Retom, ao e riki b'a te tia kairiiri.

2.Uea 17:24

E anaiia aomata ake a maeka ni kaawa aika a buubura ake B'aburon, Kuta, Awa, Amata, Tebarawaim uean Aturia, ao e kairoroia b'a a na m'ae nako Iteraera. A taui kaawa ake a maeka iai Iteraera, n reitaki ma kaawan te tautaeka ae e buubura are Taamaria.

2.Uea 18:34

Tera ae e riki nakoia antin Amata ma Arebata? Ao tera aroia naba antin Tebarewaim, Ena ao Iwa? A konaa antin Taamaria ni kaawakina abaia mairouia ana taanga ni buaka Aturia?

2.Uea 19:13

A tia ni mauna nako uean Amata, uean Arebata, uean Tebarewaim, uean Ena, ao uean Iwa.

2.Uea 5:12

Bon ti te bo ngke I a bon tebotebo naba ni karaangan Tamateko ake Abana ao Baba, b'a a bon itiaki naba n aron ranin karaangan nako Iteraera, ao e na toki aorakiu.”

2.Rongorongo 16:2

Ao ngke e ongo rongorongona Ata, ao e anai taian tirewa ma koora man ana bareti ao ana Tembora te UEA. Ao i mwiina, e kanakoi nako Tamateko ma ana rongorongo nakon uean Turia are Benatata:

Te Otinako 15:15

A maaku taani kairiri i Etom; a ruru m'anen Moaba ake a korakora; ao a biu kaain Kanaan.

Itaia 10:9

A tia ni konaaki kaawan nako Kareno, Karekemiti, Amata, Arebata, Taamaria, ao Tamateko.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 13:7

A na bane ni maaku aomata ni kabane. A na akea angin taiani bai; a na mauna nako taian anginnano.

Itaia 36:19

Tera ae riki ngkai nakon antin Tebarewaim? A konaa ni kamaiua abaia kaain Tamaria mairouia tautian Aturia?

Itaia 37:13

A tia naba ni mauna Amata, Arebata, Tebarewaim, Ena, ao Iwa.

Itaia 57:20

Aomata aika a buakaka bon naoni marawa aika akea motirawaia ao a kauekea te bokaboka.

Itaia 7:8

Bon ana kaawa n tautaeka Turia Tamateko, ao e tautaeka te Uea are Retin i Tamateko. Bon ana kaawa n tautaeka Iteraera Taamaria.

Ieremia 39:5

Ma a reke irouia ana taanga ni buaka B'aburon i rarikin te kaawa are Ieriko. A katika Tetekia ao a uotia nakon te kaawa are Ribera n te aba are Amata, ike e kabowiaki motikan taekana iai i roun Nebukaneta, ao e reke n te bure

Etekiera 27:18

A noora te b'ai ae ko ana anga kaain Tamateko ao n uoti nakoim wain mai Erebon ao buraen te tiibu ma Taara.

Amota 6:2

Noora te kaawa are Karene. Noora naba te kaawa ae ab'ab'aki are Amata, ao ruorikaaki n noora naba aia kaawa I-Biritia are Kate: a bon aki roota tamaroan aaba n uea aika Iuta ma Iteraera, a aki roota naba rababan tiaia.

Naum 2:10

E a uruaki Ninewe, e a rereua ao e a kamaroaa! A rannako naano; a ruru bubuaniwae, akea te korakora; a mainarake moaia aomata.

Warekaia Iteraera 13:21

Ao a nako mm'aane ake tengaun ma uoman b'a a na tuoa aon Kanaan ni moa man Rereuan Tin are i maiaki ni karokoa te kaawa are Reoba are i rarikin Rebo-Amata are i meang.

M'akuri 27:20

Ngke e aki kakaoti taai, ao a aki kakaoti naba itoi i nanoni boong aika bati, ao ngke e aki kerikaki matoatoani karen te ang, ao ai bon akea ara kaantaninga teutana b'a ti na kamaiuaki.

M'akuri 9:2

ao e butiia reeta i bukina b'a e na uoti nako Tamateko, nakoni m'aneabaia nako I-Iutaia, b'a ngkana tao e kuneia tabem'aang aika taua te Aro, aika mm'aane ma aine, ao e na tauia ni kabaeia, ao e na kairiia nako Ierutarem.

2.I-Korinto 11:32

I Tamateko, ao e kateia tem'angina te tia tautaeka are i aan te uea are Areta b'a a na tantani i rarikini mataroani kawai n rin n aia kawa I-Tamateko, b'a a na tauai;

Te Tua-Kaua 20:8

Ao te kabanea, ane e maaku, ao e kona naba n okira ana auti, b'a e kaawa ni manga kairaraangiia tautia aika tem'angina.

Iotua 14:8

A kakamaakuia aomata m'aane ake raou n te tai arei, ma I bon kakaonimaki n ongotaeka nakon te UEA ae Atuau.

Iotua 2:11

Ao ti rootaki n te maaku n te tai are ti ongo iai baikai; ti maakui ngkami. E bon tautaeka te UEA ae Atuami i eta i karawa, ao i nano i aon te aba.