Ieremia 49:2 - Te B'aib'ara

² A na roko boong are N na kanakoa iai te taanga ni buaka b'a e na buakana Rab'a, are ami kaawa n tautaeka. E na tiku n uruaki, ao a na wene ni mannang kaawa aika a uarereke ake i rarikina nako. Kam anai tabeua abaia Iteraera, ma n te bong arei a na anai ami b'ai Iteraera.

Ieremia 49:2 Iomraidhean Croise

2.Tamuera 11:1

E a kaan banen bongin te aumeaang, bon taai are a naanako iai taian uea ni buaka. E kanakoa ana taanga ni buaka Iteraera ae e b'anin i aan ana kairiiri te kam'anta are Ioaba ma ana aobitia. A kamaunaa ana taanga ni buaka Ammon ao a otab'aninia atuun kaawan te tautaeka are Rab'a, ma e tiku Tawita i Ierutarem.

Taian Areru 48:11

A na kakatonga kaain Tion! Ao a na kim'areirei kaain Iuta i bukin am Babaire aika eti.

Taian Areru 97:8

A kukurei kaain Tion, ao a kim'areirei kaaini kawan nako Iuta i bukin am Moti, te UEA.

Itaia 11:14

Ma a nang ikoikotaki ni buakana Biritia i maeao. Ao i mwiina, a na kataenikaia kaain Etom, kaain Moaaba, ao kaain Ammon ake i mainiku. A na tautaekaniia aomata aikai ma n anai mairouia b'aai ake a tangiri.

Itaia 17:1

Aio te rongorongo ae taekan Tamateko: Ko a reke n te kabuanib'ai Tamateko! E na roko n tokina are te uruaki.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 49:1

E taekina te b'ai aei te UEA i bukiia botannaomatan Ammon: A rangi ni m'aiti natiia Iteraera aika a b'aib'ai n te aba. Ma ngaia are, e aera ngkami aika taan taromauria te anti are Mirekom ngkai kam a anai taiani kaawa ao aaba ake aia b'ai kaain te baronga are Kata?

Etekiera 21:20

Kaota raoi te tabo ike a nako iai kawai akanne. Teaina e nako Raba ao teaina e nako Ammon, ao teaina e nako Ierutarem, ana kaawa n tua Iuta are e nonoaki.

Etekiera 21:25

E a roko ngkai bongin kabanean katuaaeakimi ikai.

Amota 1:14

Ngaia are N na kab'aka te ai i aon oon te kaawa man kabuoki nonon nako Raab'a. Ao Kairiribai a na takaakaa n te bong ni buaka, ao e na mangaongao te bo-ni-buaka kanga ai aron te ukeuke-n-anti.

Ob'aria 1:19

“A na aban aaba ake i maiaki ake i Etom aomatan Iuta; ao a na aban aaba ake i maeao ake i Biritia aomatan aaba ake a aoraoi ma n rinano A na aban aaba ake i Meang ake i Eberaim ma Tamaria aomatan Iteraera; A na aban aaba ake i mainiku ake i Kireata kanoan Beniamin.

Warekaia Iteraera 10:9

Kam na anga naba te kanikina n te bu ngkana kam nako ni buakaniia ami kairiribai aika a roko ni buakaningkami, b'a I aonga n ongo Ngai ae te UEA, ao N na kamaiungkami.

Warekaia Iteraera 21:25

Ao a maeka Iteraera n aia kaawa kaain Amora, n reitaki naba ma kaawan te tautaeka are Etibon ma kaawa nako ake i rarikina.

Te Tua-Kaua 13:16

Booti aia b'ai ni kabane aomata ake a maeka ikekei, ao katabukirakei n taian tabo ni kabob'ai, ao bon akea teuana ae kam na anaia mai iai, ao kabuoki aia b'ariko ni b'ai akanne ma te kaawa anne ni kabane, ao kam na aki manga katea te kaawa anne. E na riki te kaawa anne b'a te karea nakon te UEA ae Atuami aika eti. Ao E na toki unin iai te UEA nakoimi, ao E na nanoangaingkami, ao E na katetekeraoingkami, n aron are E berita iai nakoia ami bakatibu.

Te Tua-Kaua 3:11

Te uea ae Oka bon te kabanea mai buakoia taian Rebaim E karaoaki man te b'a ae roro ae matoatoa, ao bon 13.5 te buuti ab'akina ao 6 te buuti rababana.

Iotua 17:11

Ao e b'aini naba kaawa aika buubura te baronga are Manate ake i nanon m'akoron te baronga are Itakara ao te baronga are Atera, aika kaawa aika: Beta-tean, ao Ibeream ma kaawa naba aika a uarereke ake i rarikiia, ao ni ikotaki naba ma te kaawa are Tora (te kaawa are i rarikin taari), Entora, Taanaka, Mekito, ao kaawa ake i rarikiia nako.

Iotua 17:16

Ao a manga kaeka ni kaangai, “Eng, e bon aki tau abara ake n aaba ake a tabukibuki b'a a maekana te tabo ae aoraoi I-Kanaan, ao a m'aiti aia kaa ni buaka aika biiti, ao ai aroia naba ake a maeka i Beta-tean, ao kaawa naba ake i rarikiia, ma ake a maekana te m'arua are Ietireera.”