Ieremia 48:36 - Te B'aib'ara

³⁶ I tang inanou i bukin Moaba kaanga ai aron te tanginimate ae e aneneaki n te kaib'ab'aa. I tang i bukiia kaain te kaawa are Kira Ereti, i bukina b'a a nako kaub'aia.

Ieremia 48:36 Iomraidhean Croise

2.Uea 3:25

A kamaunai kaawani Moaaba tautian Iteraera. A koroi ni kab'akai kaai aika a tamaroa, ao a kaini taian koburake n ran, ao i mwiina, a kaoni nanon taian tawaana aika a maiureirein taian m'akorokoroni b'a. Ao n tokina, ti nikiran te kaawa n tiku n tei bon Kira-Areteta, ma e katobibiaki irouia tautia ake taani bana ao a buakanna.

Taeka n Rabakau 11:4

Ngkana e un te Atua, ao e na bon aki buokingkami te m'ane. Te ongotaeka iroun te Atua bon ti ngaia te kawai i bukin karekean te maiu man te mate.

Taeka n Rabakau 13:22

Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Taeka n Rabakau 18:11

a taku aomata aika a kaub'ai b'a te m'ane bon te oo ae otangaia.

Itaia 15:5

Ai kaawara Moaaba! A biri nako kaaina nako Toa ao nako Ekerata-Teritiia. A tang i aon kawaia ni waerake nakon te kaawa are Ruita; A taekina rongorongon te kabuanib'ai i aon te kawai nako Oronaim.

Itaia 15:7

A nako kaain te kaawa are Moaaba, ma n ri aon te Kararang are Wiro, ma n anai b'aai ni kabane ake bon aia b'ai ake a bon karekei n aia m'akuri korakora.

Itaia 16:11

E uruaki nanou inanou i bukin Moaaba ao Kiri-Ereti.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Ieremia 17:11

Kam karawaawataia tabem'aang, a na bane ni kiba nako b'aai ni kabane aika kam karekei, kaanga taiani mannikiba aika a raure man taian bunimoa aika a kimoaaki. Ao i mwiina, kam na ataia b'a ngaia kam rangi n nanobaba.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 48:31

Ma ngaia are, N na tang ma n tanginiwenei i bukin Moaba ao kaawana are Kira Ereti.