Ieremia 48:13 - Te B'aib'ara

¹³ Ao i mwiina, kam na mamaa i bukina ngke e aki konaa ni kamaiungkami antimi are Kemoti, n aron Betaera ae e aki konaa ni buokiia Iteraera.

Ieremia 48:13 Iomraidhean Croise

1.Uea 11:33

A aki katotoonga Tawita are ana bakatibu Toromon ma Iteraera. A aki ongotaeka irou, ke ni karaoi baika a raoiroi. A tia n rairaki nako mai irou ni manga taromauria Nei Atiterota, are antiia Titon ma Kemoti are antin Moaaba, ao Mirekon are antin Ammon.

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

2.Rongorongo 25:15

E rangi ni kauna te UEA te m'akuri aei, ao e kanakoa te burabeti b'a e na titirakina Amatia ni kaangai, “E aera ngkai kam taromaurii antiia ianena aikai aika a aki konaa ni kamaiuia ake bon oin aia aomata man buakanakiia?

Itaia 16:12

Bon akea boonganan naanakoia kaain Moaaba nakon aia baonikarea n taromauri ao n tataro.

Itaia 2:20

Ao n te bong arei ao a na karenakoi aia bouannanti aomata ni kabane, aia bouannanti ake a karaoaki n te tirewa ma te koora i bukin te taromauri.

Itaia 45:16

Aomata nako akana a karaoi taiani bouannanti a na bane ni kamangaongaoaki aia iango ao a na kamaamaaeaki.

Itaia 45:20

nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Ieremia 48:12

Ma ngkai, N na kanako ia kairiribai b'a a na kab'aroa te wain ma n urui taian tiaeki!

Ieremia 48:39

E a wene n uruaki Moaba! Kakauongo nakon kaaina aika a tang ngkai a rairaki nako ma te mamaa. A a maaku botannaomata aika tabeua n te b'ai are e riki, ma a bon ngare naba.

Ieremia 48:46

Kaain Moaba, kam taromauria ngkoa Kemoti, are antimi, ma ngkai kam a reke n te kaangaanga, ao a na riki natimi b'a taenikai i abaia ianena.

Ieremia 48:7

Tao kam taku b'a kam konaa ni mano ni m'aakami ao kaub'aimi, ma ane kam na tauaki n reitaki ma antimi are Kemoti, ma ana ibonga, ao ana mataniwi nako.

Tani Motiki-taeka 11:24

Ngkana atuami Kemoti ao e taua te aba man anganingkami, e koaua b'a akea ami b'ai iai? Ma ngkana E anaa te aba anne te UEA ma n anganiira, ao bon abara!