Ieremia 48:1 - Te B'aib'ara

¹ E tuangai te UEA ae Moan te M'aaka ae Atuaia Iteraera, b'a N na kaangai nako ia kaain Moaba: Ko a reke n te kangaanga te kaawa ae Nebo; E na tauaki Kiriataim ao e na kab'ainrangaki, ao a na bon uruakaki nonona ao e na tiku n uruaki.

Ieremia 48:1 Iomraidhean Croise

Karikani B'aai 14:5

Ao n te katebwi ma aua n ririki, ao e roko Ketoreraomera ma raona ake buokana ma aia taanga ni buaka, ao a kataenikaia Rebaim are i Atiterota-Karenaim, Tutim i Aam, ma kaain Emim ake i aban Kiriataim are aoraoi,

Karikani B'aai 19:37

E karika natina te mm'aane neiere te karimoa, are e aranna b'a Moaaba: Boni ngaia aia bakatibu kaain Moaaba aika n taai aikai.

2.Rongorongo 20:10

Ko bon nooria b'a ae a buakaniira aia taanga ni buaka Ammon, Moaba, ao Etom! Bon botannaomata aikai ake ko aki kariaia ngkoa b'a a na buakanaki irouia ara bakatibu i aon kawaia mai Aikubita, ma ngaia are, a bon aki mauna nako botannaomata aikai.

Itaia 25:10

E na kaawakina te maunga aei bain te UEA ae e m'aaka. Ane a na kab'akaaki kaain Moaaba ma ni booketaketa kaanga taian b'ab'ati ni uteute i nanon te m'arua i bukin nakotariia maan.

Itaia 25:12

Ane a na b'aka oon aia nono nako ma ni maae nako i buakon te baareka.

Itaia 27:3

N na kaawakinna Ngai ae te UEA ma n tebotebokia n taai nako. N na teiakinna n te ngaina ma te bong ma ni kaawakinna ma taiani kabuanib'ai.

Ieremia 25:21

Ao i mwiina, I nako ia uean Etom, Moaba, Ammon,

Ieremia 27:3

Ao i mwiina, ko na kanakoa te rongorongo nako ia uean Etom, Moaba, Ammon, Turo, ao Titon. Tabeman mai buakoia mataniwi a mena i Ierutarem, b'a a kabowi ma Tetekia.

Ieremia 9:26

Etom, Ammon, ao Moaba, ao barongan te rereua. A a tia ni korotabonim'aneaki mm'aane ni botannaomata aikai, ma a aki taromauriai. Ao bon ti te bo naba ma ngkami kaain Iuta. A a tia ni kaitiakaki rab'atami, ma a tuai man bitaki nanomi.

Warekaia Iteraera 24:17

“A tuai koro bukin baike I noori n te kaotioti, Ma n te bong teuana ane e na kaoti uean Iteraera b'a kaanga te itoi. E na kamaunanakoi ngkami kaain Moaba ma ni kamaunaia baronga aikai kam maeka n te rereua.

Warekaia Iteraera 32:3

“E a tia te UEA ni buokiira ni karekei aaba aika i rarikin kaawa aika Atarota, Ribon, Iatera, Nimra, Etibon, Ereare, Tebam, Nebo, ao Beon.

Warekaia Iteraera 33:47

n te tabo are i rarikin te Maunga are Nebo ni Maungan Abarim,

Iotua 13:19

ma Kiriataim, Tibema, ma Teretatiaa are i aon te tabuki n te m'arua,