Ieremia 47:6 - Te B'aib'ara

⁶ Kam na tang n takaarua ni kaangai, ‘Ana kabaang te UEA! Ai ti maanra ngkoe ni korokoro? Naako okira nnem, tiiku ikekei ao motirawa!’

Ieremia 47:6 Iomraidhean Croise

2.Tamuera 2:26

Ao e takaarua Abenera nakon Ioaba ni kaangai, “Ti na katoka n ningai kakiokioakira i bon iroura? Ko aki ataia b'a ngkana maanra ni karaoa aei bon kakorakoraan riki te kangaanga n tokina? Ko nang tuangiia n ningai am rorobuaka b'a a nang katoka kakioakiia bon oin aia utu?”

1.Rongorongo 21:27

Ao E tuanga te anera te UEA b'a e na kanakoa ana kabaang.

Taian Areru 17:13

Karaoa ae ko taku te UEA! Ao kataenikaia. Kamaiuai mairouia aomata aika buakaka n am Kabaang.

Itaia 10:15

Uean Turia, e konaa te tanai ke te tao ni karanganakoa teuare e b'ainna? E konaa te boora te kai n tabeka te aomata are e tabekia?

Itaia 10:5

E taku te UEA: I a rangi n un! Ao N na kamanenaa uean Aturia b'a kaanga te ambo

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 12:4

A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 25:27

E a tia n tuangai ngkoa te UEA b'a N na riai n tuangiia ueea n tatabemaniia nako ni kaangai, “E tuangkami te UEA ae Atuaia Iteraera b'a kam na mooi man m'angkon te wain ae e on n unna. N na kamangingkami ao kam na mumuta. Ao ngkana e kanako ia taani buaka te UEA nako ia botannaomata nako, ao kam na bon konaaki n te kakoaua.”

Ieremia 4:21

Maan ra riki au tai n noora aia buraeki kairiribai ma n ongo tangin aia bu?

Ieremia 48:10

I tangiria n tiringiia kaain Moaba, ao ngkana kam kabiri nako ia, N na bon kamaraiaingkami.”

Ieremia 50:35

I a tia ni katanoataa buakanakim, am mataniwi, ao am taani iango nako.

Etekiera 14:17

Ke ngkana I kanakoa te kairiribai b'a e na buakana te botannaomata ae e buubure aei man tiringiia aomata ma aia man.

Etekiera 21:30

A toki ami bong ni katuaaeaki, ma ngaia ae kam na kaaki ami kabaang. Kam na katuaaeaki n te aba are kam bungiaki iai.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Ioane 18:11

E taku ngkanne Iesu nakoni Betero, “Karina am kabaang i nanoni nena; e kanga, N nang aki moi ni m'angkon te rawawata ae E a tia n anganai Tamau?”

Tani Motiki-taeka 7:20

ao a karaoa naba aron aei koraki ake uakoraki. A bane n taui aia taura ni baiia te angamaing, ao aia bu ni baiia are te angaatai, ao a takaarua ni kaangai, “Ana kabaang te UEA ma Kiteon!”