Ieremia 47:5 - Te B'aib'ara

⁵ E a roko te nanokawaki ae e korakora irouia kaain Kata, ao a na aki kakarongoa kaain Atikeron. Tao a na maanra nikiraia kaain Biritia n tanginiwenei?

Ieremia 47:5 Iomraidhean Croise

1.Uea 18:28

Ao a tatakarua ana burabeti ao a korokoroi rab'ataia n taiani kabaang ma taiani biti ni karokoa ae a raraabuabua. Ao anne aroia n tataro,

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Ieremia 16:1

E taku te UEA nako iu:

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 25:20

ao ianena ni kabane ake a maeka i aon te aba arei. Ao i mwiina, I nako ia uean Uti, ao i mwiina uean Biritia ake aman, ake a tautaekana Atikeron, Kata, Ekeron, ao nikirani b'aai i Atitota.

Ieremia 41:5

ngke a roko waningaun mm'aane n te kawai are e nako Mitib'a man te kaawa are Tekem, Tiro, ao Tamaria. Bon i aon kawaia nakon te Tembora b'a a na anga aia b'aintangira te uita ao taiani kaboiarara nakon te UEA. A a bon tia ni koroi buaia, ao a raeraei aia kunnikai, ao a korokoroi rab'ataia, i bukina ngke a tang.

Ieremia 47:1

I m'aain buakanakin te kaawa are Kata i roun uean Aikubita, ao E tuangai te UEA b'a N na taetae nako ia kaain Biritia ni kaangai:

Ieremia 47:4

Ngkami aika taenikai mai Kabetora, e a roko ami tai, are N na uruaningkami iai. Bon akea i buakomi ae e na tiku ni buoki kaawan nako Turo ma Titon.

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Etekiera 25:16

Ao ngkai manga au tai ni karaoia kaain Biritia b'a Au kairiribai ma n tiringiia ni kabane aika a maeka n taiani kaawa ake i mataniwiin taari.

Etekiera 7:18

Kam na kunnikainingkami ni kunnikai aika a mangaingai i bukin kaotan nanokawakimi, ma ane e na taoningkami te maaku. E na koreaki taekan te kamaamaaeaki i aon matami, ao ane kam na korobuataui atuumi ma te korakai.

Nakoaia Ibonga 19:28

ke ni korokoroingkami, ke n taitaiingkami i bukin taromaurian te mate.

Nakoaia Ibonga 21:5

Tai korea iran atuum ke tao buaim, ke tao ni korokoroiko ni kaotia ae ko nanokawaki.

Mika 1:16

A nang uotaki nako am ataei aika ko tangiriia ngkoe ae Iuta, b'a taenikai nakon aaba ianena. Ma ngaia are, ko na korea iran atuum ni kamaraa b'a kaotan rawawatam.

Mareko 5:5

E memena ni nneia maate ao ri buakoni maunga ni katoa te bong ao te ngaina. E aki toki n tatakarua ao ni kokorokoroia n atiibu.

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

Tani Motiki-taeka 1:18

Ao te UEA E buokiia tautian Iuta n taua Kaata, Atikeron, Ekeron, ao aaba ake i rarikin kaawa aikai. Ao e reke naba irouia te aba are tabukibuki ma a aki konaia, ke ni kanakoia, ke n taua abaia aomata ake a maeka n taian m'arua kaain Iuta i bukina b'a iai aia kaanibuaka aika taiani biti.