Ieremia 47:2 - Te B'aib'ara

² Bon te UEA Ngai ae I tuangkami b'a ae e na iekaki abami irouia te taanga ni buaka mai meaang. E na uruaki ami kaawa nako ao a na kamaunanakoingkami, ma te tang ao te taakarua.

Ieremia 47:2 Iomraidhean Croise

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Taian Areru 50:12

Ngkana tao I baki, ao N na aki tuangko; B'a bon au b'ai aonnaba ma kanoana ni kabane.

Taian Areru 96:11

E na kim'areirei karawa ao e na kukurei aonnaba! E na rurunga marawa, ma kanoana;

Taian Areru 98:7

Ke e rurunga nanoni marawa, ma kanoana, anene, aonnaba, ma akana maeka iroum!

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 15:8

E ongo te aba te tang ni kaawan nako Ekeraim ao Beera-erim ao n taabo nako i aon Moaaba.

Itaia 22:1

Aio te rongorongo i bukin te M'arua are Kaotioti. E aera ngkai kam karaoa te bootaki ni kukurei i aon taubukin ami auti aika a booraoi?

Itaia 28:17

A na riki te eti ma te riai b'a taiani koranikaeti ake a na buokai ni kateana.” Ane e na urui ma ni uotinako katanami aika taiani kewe karau atiibu ao taian ieka.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Ieremia 1:14

E taku te UEA: N na kab'aroa te urub'ai i aon te aba ni kabane.

Ieremia 46:12

A a tia n ongo tangim botannaomata ni kabane; ko b'ainrang, ko a bon ataia. A na b'aka am tautia nako aon te tano, ma ni b'aka temanna i aon temanna.

Ieremia 46:13

E taetae te UEA nako iu, ngke e roko Uean B'aburon ni buakana Aikubita. E taku,

Ieremia 46:20

Ko na buakanaki irouia, kairiribai mai meang, ngkoe ae Aikubita ae ko tamaroa, kaanga te nango ae e tenaa te kao.

Ieremia 46:24

A na kab'ainrangaki am aomata ao a na kataenikaiaki irouia kairiribai mai meaang.

Ieremia 48:39

E a wene n uruaki Moaba! Kakauongo nakon kaaina aika a tang ngkai a rairaki nako ma te mamaa. A a maaku botannaomata aika tabeua n te b'ai are e riki, ma a bon ngare naba.

Ieremia 6:22

E taku te UEA, “Taratara nako nako iang, nakon te tabo are e mena iai te botannaomata ae e korakora are e katauraoi nakon te buaka.

Ieremia 8:16

A a tia ni roko ara kairiribai ni kaawan Taan ake i meang, ao ti a maaku n tangitangin ikeiken aia aoti. A na kamaunaa Ierutarem ma ara botannaomata ni kabane ara kairiribai. Bon akea temanna ae e na reke maiuna.”

Taniera 11:22

Ngkana iai ane e kakaitaraa, e ngae ngkana ana ibonga te Atua ae e rietaata, e na boni karenakoaki naba ma ni kamaunaaki.

Naum 1:8

E kamaunaia ana kairiribai n ai aron rokon te ieka. E kamateia ake a kakaitaraa.

1.I-Korinto 10:26

B'a e kangai te B'aib'ara: “Bon ana b'ai te UEA aaba nako ma kanoaia.”

1.I-Korinto 10:28

Ma ngkana e kangai temanna nako imi, “Aio are e tiringaki b'a te karea,” ao kam na tai kanna i bukin teuare kaotia, ao i bukin naba mataniwin te nano.

Iakobo 5:1

Ongora ngkai, ngkami akana kam kaub'ai: kam na kanenei b'anaami n tang ni korakai i bukin aaro ni karawaawata aika nangi riki nakoimi.

Te Kaotioti 17:1

Ao e roko temanna mai buakoia anera ake itiman ake iai i rouia boora ake itiua, ao a taetae nako iu, ni kaangai, “Mai ikai; N na kaota nako im motikan taekan te kabekaau are kakannato are tekateka i aon raan aika bati;

Te Kaotioti 17:15

Ao e kaangai naba nako iu, “Raan ake ko noori, ike e tekateka iai te kabekaau arei, bon natanaomata, ma koraki n aomata aika bati, ma botannaomata, ma aomata nako aika a kakaokoro aia taetae.