Ieremia 44:3 - Te B'aib'ara

³ i bukina ngke a kaunai kaain Iuta ngke a manga taromaurii anti aika a bon tuai man buokiia ma aia bakatibu.

Ieremia 44:3 Iomraidhean Croise

Neemia 9:33

Ko a tia ni kaakaraoa ae e eti ngkana ko katuaaira i bukin ara bure.

Itaia 3:8

Ierutarem ma Iuta, kam kakaitaraa ami UEA ae e mimitong e boni kab'akai ngkami ami taeka ma ami m'akuri.

Ieremia 11:17

Bon te UEA Ngai ae Moan te M'aaka. Ngkami aika kaain Iuta bon te aroka ngkami ae I a tia n unikia, ma kam a tia ni kamaraka nanou ngke kam a manga anga karea nakon B'aara, n aron are a tia ni karaoia kaain te abanuea meaang. N na nang kouti ngkami mani waakami.

Ieremia 16:10

Ane a na titiraki ni kaangai, “E aera ngkai e a kamarakiira Atuara n taiani kabuanib'ai aika a m'aiti? Tera te kaairua ae ti a tia ni karaoia ke ara bure nakoina?”

Ieremia 22:9

Ao ane a na kaeka tabem'aang ni kaangai, “I bukina ngke a taromauriia antiia ianena aomata ma n urua aia boraraoi ma te UEA ae Atuaia are e a tia ni karaoia ngkoa ma ngaiia.”

Ieremia 29:19

E na riki aei nako ia i bukina ngke a aki ongotaeka nakon te rongorongo ae I teimatoa ni kanakoa nako ia rinanoia Au taani m'akuri aika burabeti. A rawa n ongo.

Ieremia 32:30

N rongorongoia Iteraera ma kaain Iuta mai moana, a bon aki kakukureiai ao a kaunai n te b'ai are a tia karaoia.

Ieremia 44:23

E riki te kabuanib'ai aei i bukina ngke kam taromauri anti tabem'aang ao kam kakaitaraa te UEA ma n rawa n ongo i Rouna ke n iri Ana tua ma Ana reirei nako.

Ieremia 44:8

Kam a tia ni kaunai ngke kam a manga taromauriia te bouananti ao kam kabuoka te b'ai ni kaboiarara nako ia anti ngke kam roko ikai mai Aikubita. Kam na mate n te mate ae e ribaaki, n te aro are a na kamanenaa aran Iuta b'a te taeka ni karereanti.

Ieremia 5:19

Ao ane a na titiraki akana a riki b'a nikira ni maiu ni kaangai, “E aera ngkai E karaoa te b'ai ae e kakamaaku aei te UEA ae te Atua nakoira?” Ao kam na tuangiia ni kaangai: Bon te UEA Ngai, ma kam a tia ni kiitanai n taromaurii anti tabem'aang ni bon oin abami. Ao ngkai kam na riki b'a tooro i abaia ianena.

Ieremia 5:29

Kam tangiria ni katuaaeaki, ma ngaia are, N na karaoa te karekekai.

Ieremia 7:19

Ma a bon aki ti kamatauningaai, ma a bon kamatauningaia naba ni karaoi baika a na kamamaaeaki iai.

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Te Tua-Kaua 13:6

Ane na manga kaangai temanna nakoimi, Ti nang taromauriia anti riki tabeman. E aoria naba ngkana raoraomi, ke tarimi, ke m'anemi, ke natimi te m'aane, ke natimi te aine, ke buumi ae kam rangi n tangiria, ma kam na bon aki ongo naba i rouna. Bon akea temanna te aomata ae kam na ongo i rouna ae taekin baikai. Ma kam na karebanaa te aomata anne ni ua matena n taian atiibu. Boni ngkami moa aika kam na moan kareia, ao i mwiina, a na kabanea te m'akuri aomata te korakina. Kam na bon aki kaota te nanokawaki. Bon akea te b'ai ae a tia ni karaoia nakoimi ke nakoia ami bakatibu antiia botannaomata tabeua. A na kataia ni katokaa taromaurian te UEA are kamaiungkami man te toronaki i Aikubita aomata akana a tuangkami b'a kam na taromauriia anti riki tabeman. Ma ngaia are, kam na tiringiia aomata akana a tuangngkami b'a kam na taromauriia anti riki tabeman.

Te Tua-Kaua 29:25

Ao a na anganaki te kaeka ae kaangai: A tataromauria te UEA ara bakatibu ngkoa, ma i mwiina, ngke E a tia te UEA ni kaotinakoia mai Aikubita ma ni karaoa te boraraoi ma ngaiia, ao a manga aki ira nanon te boraraoi

Te Tua-Kaua 29:26

ma ni manga taromauriia bouananti tabeman aika bon akea buokaia mairouia. Ao E a tia te UEA n ribaia Iteraera b'a a na taromauriia taian atua aikai.

Te Tua-Kaua 32:17

Kam angakarea nakoia taimonio, ao bouananti aika akea bonganaia aika aki kona ni buokingkami, atua aika boou aika tuai man taromauriaki irouia ami bakatibu

Ebera 3:16

B'a antai te koraki ake a ongo ao a rawa ni kani kairaki? Tiaki aomata ni kabaneia ake a oti nako mai Aikubita irouni Moote?