Ieremia 44:2 - Te B'aib'ara

² Bon te UEA Ngai ae Moan te M'aaka, ae Atuaia Iteraera. Kam noora arou ngke I kamaunaa Ierutarem ao kaawan nako Iuta. A wene n akea kanoaia ao n uruaki n te bong aei,

Ieremia 44:2 Iomraidhean Croise

2.Uea 21:13

E a rangi buakaka Ierutarem n aron Aaba ma kaain Taamaria. Ma ngaia are, N na kamaunaa Ierutarem ma ni katiaa taekana, n ai aron temanna ae e taea nako te ran mai nanon te raurau b'a e na m'au.

Te Otinako 19:4

“Kam bon noori b'aai ake I karaoi Ngai ae te Atua nakoia kaain Aikubita, ma arou ni uotingkami kaanga te ikare ngkana e uotiia natina i aoni baina ni kiba, ma ni uotingkami nako ikai nako Iu.

Itaia 24:12

A uruakaki taiani kaawa aika a buubura; ao a kamaaenikunaki ni kab'akaaki mataroan taiani kaawa.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Ieremia 25:11

E na akea kaain te aba aei kaanga te rereua ae akea kaaina, i bukina b'a N na karaoingkami b'a toro i roun uean B'aburon i nanon 70 te ririki.

Ieremia 34:22

N na anga te babaaire, ao a na manga oki nakon te kaawa ae e buubura aei. A na buakanna, a na taua, ao a na kabuokia ni kab'aka. N na karika aia kaawa aika a buubura b'a kaanga taian rereua aika akea aika a maeka iai. Bon aei Au taeka Ngai ae te UEA.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 44:23

E riki te kabuanib'ai aei i bukina ngke kam taromauri anti tabem'aang ao kam kakaitaraa te UEA ma n rawa n ongo i Rouna ke n iri Ana tua ma Ana reirei nako.

Ieremia 7:34

Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

Ieremia 8:3

Iai i buakomi kaain Iuta aika a na tiku ni maiu, ma N na kairoroingkami b'a kam na nako abaia ianena, ao ane kam na tangiria riki ni mate. Bon aei au taeka Ngai ae te UEA.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

B'aeb'aeti 1:16

Ao bon anne bukina ngkai a bon taonako rannimatau. Akea ae konaa ni karaua nanou; akea ae konaa ni kaungaa nanou. E a tia ni kataenikaiai au kairiribai; bon akea nikiran aia b'ai au aomata.

B'aeb'aeti 5:18

i bukina b'a e a tiku ni kitanaki ma ni kamaroaa te maunga are Tion, ao e a riki b'a ai nneia kameanti.

Taniera 9:12

Ko karaoi nakoira baike Ko taku b'a Ko na karaoi nakoira ma ara taan tautaeka. Ko kakorakoraa riki tuuan Ierutarem nakoni kaawa tabeua n te aonnaba aio,

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Nakoaia Ibonga 26:43

ao N na kamotirawaa n te tai are kam mena iai n te aba n iruwa, ao kam na kab'aka boon aroaromi ni kakatei nako Iu ma au tua nako.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Te Tua-Kaua 29:2

Ao e wetea te botannaomata are Iteraera Moote ao e taetae nakoia ni kaangai: Ngke kam mena ngkoa i Aikubita, ao kam noora te UEA ni karaoi taiani kakai are a karika te kangaanga nakon te uea ma ana aobitia, ao kaain abana ni kabane.

Iotua 23:3

Kam a tia n noori b'aai ni kabane aika E karaoi te UEA nakoia botannaomata aika kam rin i buakoia. E a tia ni buaka te UEA ae Atuami i bukimi.