Ieremia 44:10 - Te B'aib'ara

¹⁰ Ni karokoa naba te bong aei, kam teimatoa n ami kainikatonga n tauingkami b'a kam na aki ongo taeka nakon Au tua ma Au reirei nako ake I anganiia ami bakatibu.

Ieremia 44:10 Iomraidhean Croise

1.Uea 21:29

“Ko noora raraoman Aaba n te b'ai ae e a tia ni karaoia? N na aki katuaiia ana utu ngkai e maiu. N na tataninga ni karokoa te tai are e uea iai natina te m'aane.

2.Uea 22:19

I namakina rawawatam ngke ko warekia ae e na kamaunaaki te aba aei ma kaaina ni kabane. Ko bon raeuaaka naba kunnikaim i bukin rawawatan nanom, ao I ongo b'anaam ngke ko tang.”

2.Rongorongo 32:26

Ao rimwi riki, ao a namakina aia kaairua Etekia ma aomata ao a bubutiia te UEA b'a e na kab'arai aia bure. Ma ngaia are, e a aki katuaaia te UEA ni kabane ana bong ni uea Etekia.

2.Rongorongo 33:12

Ngke e taua Manate b'a te taenikai ikekei, e bubutiia te UEA ae te Atua kab'araan ana bure ao buokana.

2.Rongorongo 33:19

A m'aiti rongorongon Manate are e koroia Otai, n reitaki ma ana tataro ao kaekaana iroun te Atua. Ma e koroi naba ana m'akuri Manate aika a buakaka Otai i m'aain are e okira te Atua, ai uana naba ma aran taabo ake e katei iai taian bouannanti Manate, ao taabo naba ake e katei iai baangotan te aba ao taabo n taromauri i bukin Nei Atera.

2.Rongorongo 34:27

Ko bon raeuai naba kunnikaim i bukin rawaawatan nanom ao I ongo tangim.

Taian Areru 34:18

E kaan te UEA ma akana a b'ara nanoia, ao E kamaiuia akana uruaki nanoia.

Taian Areru 51:17

Au karea bon te tamnei ae nanorinano, Te Atua; Ko aki riba te nano ae uruaki ae raraoma.

Taian Areru 78:10

A aki kawakina aia boraraoi ma te Atua; A rawa n ongeaba nakon ana tua.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 9:17

Ma ko bon kamoamoa naba ao ko rawa ni kanakoia au aomata.

Te Otinako 9:30

Ma I ataia b'a ko aki maaka te UEA ae Atuara ngkoe ma am mataniwi.”

Taeka n Rabakau 14:16

Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

Taeka n Rabakau 16:6

Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 28:14

E kakab'aiaia aomata nako te UEA akana a maaku ni karaoa ae e buakaka, ma tokim te reke n te kabuanib'ai ngkana ko iowawa.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Itaia 42:24

E bubure Iteraera ao e rawa n ongotaeka iroun te UEA ke n aki iri ana babaaire. Ma ngaia are, e karaoia te UEA b'a a na iraeaki aia b'ai ni kabane.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 26:4

Kam a tia n rawa n ongo i Rou ma n aki ongotaeka nakon Au tua nako ma Au taeka n reirei nako.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Ieremia 36:24

Ma e aki maaku te uea ao a aki maaku naba ana mataniwi ni b'aai ni kabane ake a ongo ao a bon aki kaota naba te mata n nanokawaki.

Ieremia 44:23

E riki te kabuanib'ai aei i bukina ngke kam taromauri anti tabem'aang ao kam kakaitaraa te UEA ma n rawa n ongo i Rouna ke n iri Ana tua ma Ana reirei nako.

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 27:54

Ngke e nora m'aeiein te aba ma baike a riki mataniwin te taanga ni buaka are tebubua kaaina, ao a noria naba raona ake a tantani i rarikin Iesu, ao a taonaki n te maaku ae korakora; ao a taku, “Bon te koaua b'a Natin te Atua Teuaei!”

Ruka 23:40

Ma e takuia te kam'arua are temanna, ao e kangai, “Ko aki maka te Atua, ngkai ko katuaeaki n ai arona?

I-Rom 11:20

E koaua ane ko taku; a oteaki i bukin aia aki-onimaki, ma ngkoe, ko mena ni nem ane ko mena iai i bukin am onimaki. Ma ngaia ae tai b'aina te kainikatonga, ma ko na b'aina te mamaku.

1.Betero 5:6

Ma ngaia ae kam na kananorinanoingkami i aani bain te Atua ae baina ae m'aaka, b'a E aonga ni karietataingkami n te tai ae riai.

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”