Ieremia 44:1 - Te B'aib'ara

¹ Ao E tuangai te UEA b'a N na taetae nako ia taian Iutaia ake a maeka ni kaawan nako Miketora, Tabaneti, ao Membiti (Nobi) i Aikubita meang, ao ake a maeka naba i Aikubita maiaki. E tuangai b'a N na kaangai nako ia:

Ieremia 44:1 Iomraidhean Croise

Karikani B'aai 10:14

Bateru, Katiru, Kirete, are boni ngaiia ake a riki mai iai kaaini Biritia.

Te Otinako 14:2

Tuangiia aomata b'a a na okirikaaki ma ni katei aia maeka i Bi Airota i marenan Miketora ao Taari are Uraura, i rarikin B'aara Tebon.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 19:13

A burababa ao a kam'aam'ane ana mataniwi te uea i Toan ao i Membiti. A tia n anga aia kaetieti aika a buakaka nakoia botannaomata taani kairiiri n tautaeka nako.

Ieremia 2:16

A a tia tautian kaawan Aikubita ma Membiti ao Tabaneti n urua tab'anoum.

Ieremia 24:8

Taian biiku ake a buakaka a tei i bukin uean Iuta are Tetekia, ma ana mataniwi, ao ake tekorakina ni kabaneia ake a uotaki nako B'aburon, e ngae ngke tao a tiku ikai i Iuta ke a tia n nako Aikubita.

Ieremia 43:13

Ane e na urua te atiibu ae e tabu are i Erioboriti i Aikubita ao e na kabuoka temboran antin Aikubita ni kab'akai.”

Ieremia 44:15

E bon rangi ni korakora m'aitiia taian Iutaia mai meang ao Aikubita maiaki aika a ongora irou ngke I tuangiia te b'ai are e taekinna te UEA. Angiia mai buakoia te koraki akekei boni mm'aane aika a bon atai buia b'a a aki toki ni kakabuoka te b'ai ni kaboiarara nako ia antiia. Ma ngaia are, a kaai n takaarua ni kaangai:

Ieremia 46:14

“Ko na taetaekinna i nanon kaawan nako Aikubita, i Miketora, Membiti, ao Tabaneti ni kaangai: katauraoi ni bon tei i bukimi; b'aai ni kabane aika iroumi a na bane n uruaki n te buaka!

Ieremia 46:19

Kam na kairaki nako b'a taenikai, ma ngaia are, kam na booboti b'aai tabeua, aika kam na uoti ma ngkami. E na wene n akea kanoana ma n uruaki atuun kaawan ami tautaeka ae Membiti.

Etekiera 29:10

Ngkai I a eekinakoko ma am karaanga. E na akea boonganan am botannaomata ao e na riki b'a te aba ae akea uaana ni moa man kaawan Miketora i meaang nako Atiwan i maiaki, ni karokoa tian Itiobia.

Etekiera 29:14

A na manga maeka riki i nanon oin abaia i Aikubita. Ma a na riki b'a te abanuea ae e mamaara

Etekiera 30:13

A na kamaaeaki taian bouannanti ma banna ake kam taromaurii ngkami aika kaain Aikubita n te kaawa are Membiti (Nobi). Bon akea temanna ae e na tiku n tautaekana am botannaomata, ao e na onrake te aba n te maaku.

Etekiera 30:14

E na tiku n uruaki te kaawa are Bateroti, ao e na urarake ma ni b'aka te kaawa are Toa. E na uruaki naba am kaawa n tautaeka are Tebeti!

Etekiera 30:16

N na kaurarakea te botannaomata i Aikubita! E na taonaki n te rawawata ae e korakora te kaawa are Berutiam. E na b'aka Tebeti, ao e na rootaki n te maaku ae e korakora Membiti.

Etekiera 30:18

Ko rangi ni kainikatonga i bukin m'aakan am botannaomata, ma ngkana I kamanatuaa te m'aaka anne ma n tiringa te kainikatonga anne, ao e na b'aka te rotongitong i aon te kaawa are Teabeneeti. E na rabuna te aba te nang ae roo ngkana ko a uotaki nako b'a te taenikai.

Otea 9:6

E ngae naba ngkana ko biri nako ni maiu, ko na bon toki naba i Aikubita. ao n taunaki i Membiti. kaub'aim aika tirewa a na bua i buakon uteute; aika bwebwerake n am autinrianna nako.