Ieremia 43:10 - Te B'aib'ara

¹⁰ Ao i mwiina, ko na tuangiia b'a bon Ngai ae te UEA ae Moan te M'aaka ae Atuaia Iteraera, ae I kanakoa Au tia m'akuri, ae Nebukaneta ae kaain B'aburon. N na karokoa ikai mani karaoia b'a e na katea ana kaintokanuea ma ana autinrianna n uea i aon atiibu aikai, aika I a tia n tuangko b'a ko na tauni.

Ieremia 43:10 Iomraidhean Croise

1.Uea 20:12

Ao a tabe ni mooi manging Benatata ma uea ake raona i nanon aia autinrianna. Ma ngke e roko ana kaeka Aaba, ao e a tuangiia ana tautia b'a a na katauraoia nakon buakanakin Taamaria, ao a bane n tauraoi.

1.Uea 20:16

Ao ngke e a tawanou, ao a m'aati te uea are Aaba ma tautian Iteraera nako Taamaria ma ana tautia ake rorobuaka mai i moa.

Taian Areru 18:11

E rabunna n te roo; E otab'aniniaki n nangi ni karau aika matenten.

Taian Areru 27:5

E na kawakinai ni kamanoai man te kaangaanga i nanon ana Tembora, ao E katokaai i aon te b'a ae rietaata ae N na maiu iai.

Taian Areru 31:20

Boni neia ni karabaia Ngkoe man aia m'akuri ni kakam'arua aomata; Ko karabaia n te tabo ae a mano raoi iai man taian taetae n iowawa.

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Itaia 45:1

Ao e taku te UEA nakon Tairati, are e rineia: I a tia n taua baim te atai ni buokiko ni kataenikaia taiani botannaomata ao ni kanakoia taiani uea man m'aakaia. E na uki mataroan taiani kaawa nakoim; ao akea ae e na kainaki.

Ieremia 1:15

Ko na mataku ngkana I weteia uea mai meang. Ane a na buaka ma n taua Ierutarem ao kaawa tabeua, ao i mwiina, a katei aia kaintokanuea ni mataroan nako Ierutarem.

Ieremia 43:9

Ieremia, ko na uoti tabeua atiibu aika a buubura nakon mataroan autin te tautaeka i Tabaneti. Ko na taun taian atiibu i aan burikin te kawai n rin, ao ko na kakoaua b'a a matakuakiniko taian Iutaia ngke ko karaoa anne.

Ieremia 46:13

E taetae te UEA nako iu, ngke e roko Uean B'aburon ni buakana Aikubita. E taku,

Ieremia 49:38

Ane a na mate ami uea ma ami mataniwi, ao N na tautaeka n aia tabo. Bon aei au taeka Ngai ae te UEA.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.