Ieremia 42:4 - Te B'aib'ara

⁴ Ao I taku, “E tamaroa, N na tataro nakon te UEA ae Atuami, ao N na manga tuangkami te b'ai are E taekinna.”

Ieremia 42:4 Iomraidhean Croise

Taian Areru 40:10

I aki karaba taekan am Kamaiu ni kainna i nanou; I tataekina am Kakaonimaki ma kamaiuan te aba iroum. I aki karaba taekan am Kakaonimaki ma am Atataiaomata nakoia am Aomata n aia tai ni bootaki.

Te Otinako 8:29

Ao e kaeka Moote, “Teuae ko karineaki, N na tataro i bukim n te tai are I nako iai, ao a na nako taian nango mai roum, ma am mataniwi, ao kaain abam n ningabong, Ko na bon aki kewe n te tai aei b'a ko na bon kanakoia ara aomata b'a a na anga karea nakon te UEA.”

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Ieremia 23:35

Ma, n onea mwiin anne, ko na titirakina raraom nako ke am utu nako ni kaangai, “Tera te kaeka ae e anga te UEA?” ke “Tera ae e taku te UEA?”

Ieremia 26:2

Ieremia, iai Au rongorongo nako ia aomata nako aika a roko mai Iuta b'a a na taromauri n au Tembora. Ko na nako nakon katawanangin te Tembora ao taekin b'aai ni kabane ake I taekin nakoim.

Etekiera 2:7

ao ko na taetaekina Au taeka nako ia, e aoria ngkana a taku b'a a na ongora ke a na aki.

M'akuri 20:20

Bon akea naba te b'ai teuana ae manena ae I taua n aki kaotia nakoimi, ma n aki reireingkami iai i mataia aomata ao n auti nako.

M'akuri 20:27

B'a akea te b'ai teuana n ana kaantaninga te Atua ae I taua n aki taekinna nakoimi.

I-Rom 10:1

Taari, aio ae tangiraki i nanou ao au tataro nakon te Atua i bukiia Iteraera, b'a a na kamaiuaki.

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.