Ieremia 42:18 - Te B'aib'ara

¹⁸ I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 42:18 Iomraidhean Croise

2.Rongorongo 34:25

A tia kaain Iuta ao Iteraera n aki kubarai. A tia n anga karea nakoia antiia ianena ao a tia naba n taromauriia aia bouannanti ake bon aia b'ai. I a bon aki konaa aroia aei. I a rangi n un irouia.

Itaia 30:3

“Ane ana b'ara nanomi, ma ni kamaamaaeaki i bukin onimakinan Aikubita.

Itaia 65:15

au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Ieremia 18:16

Ane e na uruaki abami, ao a na bane akana ri rarikina n taraia ma te maaku ma ni katoutou atuuia.

Ieremia 22:27

ma n tangitangira okiran mwengami.

Ieremia 23:40

Ko na bon aki konaa n inaomata man te kamaamaaeaki ao te b'ainrang.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 29:22

Ngkana a tangiria ni kamaraiaa temanna aomata ake a uotaki nako b'a taenikai mai Ierutarem nako B'aburon a na taekina ae e kaangai, “Ke e karaoa nakoim te UEA aron are E karaoia naba ngkoa nakon Tetekia ma Aaba, ake e kabuekiia uean B'aburon ngke a bon taratara mataia!”

Ieremia 33:5

Iai tabeman aika a na buakana B'aburon, are e na kaon auti nako n taian mate ake aomata ake N nang oroia n uniu ma bononnanou. I tannako man te kaawa ae e buubura aei i bukin m'akuri aika a buakaka aika a tia ni karaoaki irouia kaaina.

Ieremia 44:12

Bon ti tabeman ake a tangiria n tiku i Iuta, ao ngkami kam tangiria n nako Aikubita. Ma ane kam na mate n te mate ae e kakamaaku n te buaka ke te baki, n te aro are a na kamanenaa aran Iuta aomata tabem'aang b'a te taeka ni karereanti.

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 44:8

Kam a tia ni kaunai ngke kam a manga taromauriia te bouananti ao kam kabuoka te b'ai ni kaboiarara nako ia anti ngke kam roko ikai mai Aikubita. Kam na mate n te mate ae e ribaaki, n te aro are a na kamanenaa aran Iuta b'a te taeka ni karereanti.

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

B'aeb'aeti 2:4

E kainetiira n Ana kanoanikatebe n ai aron te kairiribai; E tiringiia aika a bati n tangiraki iroura. Ti bati n namakina uran unna i aon Ierutarem.

B'aeb'aeti 2:6

E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 20:34

ao m'aakau, ngkana I boobotingkami man taabo ake kam uamaae nako iai

Etekiera 22:22

kaanga te tirewa i nanon te ai ae e ura m'aaka. Ao i mwiina, a na ataia b'a bon te UEA Ngai ae I katuaaia n uniu.

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Taniera 9:27

E na karaoa ana boraraoi te tia tautaeka ma aomata aika a m'aiti i nanon itiua te ririki, ao ngkana e a kaania banen iteran te tai, ao e na katoki taian angakarea ma taian angab'ai. E na katokaaki te b'ai are moan te kakamaaku i taubukin te Tembora, ao e na tiku ikekei n aron are e a tia ni baaireia te Atua i bukina.

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Warekaia Iteraera 5:27

Ngkana arona b'a e a bon tia ni bure te ainenum'a, ao e na waekoa ni m'akuri te ran anne ni karikia b'a te aine ae tekebuaka i buakoia ana botannaomata.

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.