Ieremia 41:10 - Te B'aib'ara

¹⁰ Nebutaratan, are mataniwiia ana taanga ni buaka te uea are Nebukaneta a tia ni katuka natin te uea are Tetekia te aine ao aomata aika a m'aiti i Mitib'a, ao a katuka Ketaria b'a te tia tararuaia. Ma n te tai aei, e kabaneia ni uotiia nako Itimaera b'a taenikai ao e kairiia ni kaineta Ammon, ni iteran te Karaanga are te Ioretan are te iterana.

Ieremia 41:10 Iomraidhean Croise

Neemia 2:10

Ma ngke a ongo Taneb'arata mai Oron ao Tobia are te mataniwi i Ammon e ongo te b'ai are e riki, ao a rangi ni maraki nanoia, i bukina b'a a aki tangira temanna b'a e na buokiia Iteraera.

Neemia 2:19

Ao ngke a ongo Taneb'arata, Tobia ao Ketem are kaain Arabia ara iango ao a waakina aia taetae ni kamaraki nanora ao a taku, “Ani bon taraingkami! Kam iangoia b'a kam na manga katea oon te kaawa ma n kaaitaraa te uea?”

Ieremia 22:30

Kamaunaa araia natin nako Ieoiakin man te utu n uea. E a aki tau, ao akea naba temanna ae e na manga uea. Bon aio au taeka Ngai te UEA.

Ieremia 38:23

A na anaia buum ma natim kaain B'aburon b'a taenikai, ao ko na anaaki nakon uean B'aburon b'a te taenikai, ao e na kabuokaki ni kab'akaaki Ierutarem.”

Ieremia 39:6

ao e tua b'a e na katuaaeaki. A tiringaki natin Tetekia ake uoman i bon matana, ao ai uana naba ma taani kairiiri man utu n tautaeka mai Iuta.

Ieremia 40:14

Ao a taku, “Ketaria, ti roko ni kauringko b'a e a tia Uean Ammon are Baariti ni kabooa Itimaera b'a e na tiringko!” Ma e aki kakoauaia Ketaria,

Ieremia 40:7

Iai tabeman aobitian Iuta ao tautiana aika a aki kataenikaiaki. A ongo b'a e a tia uean B'aburon n rinea Ketaria b'a e na tautaekana Iuta ma n tararuaia aomata ni kabane aika a aki uotaki nako B'aburon, ma koraki ake a kainano n te aba arei.