Ieremia 40:10 - Te B'aib'ara

¹⁰ N na tiku ngai ikai i Mitib'a b'a N na mamaroroo ma aobitian B'aburon ni katoa rokoia. Ma ngkoe ko na nako n okira am kaawa nako ma n uotaamai uaan te tai, ao i mwiina, ko kaawakina te wain, b'aan te oriwa, ao taian uanikai aika a m'au.”

Ieremia 40:10 Iomraidhean Croise

2.Tamuera 16:1

Ao e m'ananga Tawita nakon iteran te Maunga are Oriweta are te iterana, ngke a kaaitibo ma Tiba, are mataniwiia ana taani m'akuri Mebiboteta. Iai uoman ana aati Tiba aika a uoti uabubua taiani kariki, ao tebubua te abuta te kureebe are e a m'au, ao tebubua taiani biiku, ao tabeua taiani wain.

1.Uea 10:8

A rangi ni kab'aia buum nako ao am aobitia ngkai a memena i rarikim n ongongora n am taeka n rabakau aika ko tataekin.

Taeka n Rabakau 22:29

Ngkana kam karaoa raoi ami m'akuri, ao kam bon m'akuri iai i bukin te tia tautaeka ao kam na bon aki manga riki b'a te toro.

Taeka n Rabakau 27:25

Ngkana e a tia ni koreaki te uteute ao e na manga rikirake ae e boou ao e toki te tai,

Itaia 16:9

Ao I tang ngkai n ai aron Iatera i bukin taian nne n aroka ni kureebe i Tibema. I katuu rannimatau i bukin Etibon ao i bukin Areare. E na aki manga karaoaki te baka n am'arake i bukin te tai

Ieremia 35:19

ma ngaia are, I berita b'a a na riki ami kaainga b'a Au tia m'akuri ao a na bon aki mauna nako.

Ieremia 39:10

Bon ti aomata aika akea abaia ake a tiku i Iuta, ao Nebukaneta e anganiia aia tawaana ma aia nne n aroka ni kureebe.

Ieremia 40:12

Ma ngaia are, a kiitan taabo ake a uamaaenako iai, ao a okira Iuta. A roko i roun Ketaria i Mitib'a, ao a taia te wain ma te uanikai ae e korakora.

Ieremia 40:6

I iangoia b'a N na tiku i rarikiia kaain Iuta, ao I nako ni maeka i rarikin Ketaria i Mitib'a.

Ieremia 43:5

B'aruka ma Ngai ao tabeman man te koraki ake a tiku ngkoa ma Ketaria, i bukina ngke e tuangiia aobitian B'aburon are te tia tararuaia taan tei are Nebutaratan b'a a na kakaawakina te natinuea te aine ma tabeman mm'aane, aine, ao ataei.

Ieremia 48:32

Kaain Tibema, ti te bo ngkami ma te nne n aroka ni kureebe ae e tine amwiin uaan te kureebe, ma m'aanga aika a roota meaang nakon te kaawa are Iatera ao ni wairio nakon Taari are Mate. Ma kam a tia n uruakaki, ma ngaia are, N na tang i bukim, n ai aroia kaain Iatera ngkai a tang i bukin aia nne n aroka ni kureebe.

Mika 7:1

E a kab'ara nano! Kaanga ai aron te aomata ngai are I kakaea kanau ma bon akea teuana uaan te aroka n tiku, ao akea naba uaan te kureebe n tiku. B'a a bane n tia n anaaki kaai ma uaa aika a kangkang.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Te Tua-Kaua 1:38

E na onea mwiim Iotua, N na kariaia Iotua are te tia buokiko b'a e na kairiia Iteraera n taua te aba. Ma ngaia are, ko na kaungaa nanona.”

Te Tua-Kaua 16:13

I mwiin banen ami Toa ake Toan Taian te Uita ma Toan Taian te Kureebe, ao kam na kairiia natimi m'aane, ao natimi aine, ao ami toro ni kabane nakon te tabo are E a tia n rineia te UEA b'a E na taromauriaki iai. Kam na karaoa te Toa ae M'anganikaai i nanon itiua te bong. Ao kam na kaoiia naba aomata aika kainano, n reitaki naba ma kanoan Rewi, ianena, ataei aika akea aia karo, ao aine aika a tia ni mate buuia.