Ieremia 4:9 - Te B'aib'ara

⁹ E taku te UEA, “Ngkana a riki baikai ni kabane ao ane a na tiaoki ma ni maaku taiani uea ma taiani mataniwi ao burabeti ao ibonga.”

Ieremia 4:9 Iomraidhean Croise

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

Taian Areru 102:4

I rangi ni mamara kanga ai aron te uteute ae rai; E bua te kan am'arake.

Itaia 19:16

Ngkana e katuaaea Aikubita te UEA ae Moan te M'aaka ni baina ae e korakora, ao a na bon rangi ni mamaara kaain Aikubita ao a na ruru ni maaku.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Itaia 28:19

E na uotingkami nako te kaarangaina, te tawanou, ao te tairiki b'a te ieka ae e makuakua. E na anganingkami te reirei aei b'aai aika a riki aika a kakamaaku:

Ieremia 2:26

Kam rangi ni kamaamaaeaki riki ngkami ma ami taani kairiiri nako ia aomata aika a kimoatoo kam taromauri bouananti aika atiibu ao boua aika a tabu

Ieremia 25:34

Bon ana nanai te UEA aomata, ao ngkami aika taani kairiiri bon taani kaawakintiibu. Ma ngkai, ai manga ami tai n tiringaki kaanga tiibu. Kam na maaenikun kaanga te b'aata te tano ae e b'aka man te buia. Ma ngaia ae, kam na rabinobino i aon te tano, n tang ma n tanginiwenei.

Ieremia 37:19

Ko a tia ni kainiia burabeti ake a keekeweiko ngke a taku b'a e na aki konaa B'aburon ni buakana Ierutarem?

Ieremia 48:41

A na tauaki ami kaawa aika a buubura ma ami nono, ao a na tauaki ni korakoran te maaku ami taan buaka.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 52:7

ao e a uruaki oon te kaawa. Ni bon te tairiki naba anne, a kataia Etekia ni biri nako man mataroan te kaawa are i rarikin ana nne n aroka te uea, e ngae ngke a bon ataia b'a e katobibiaki te kaawa irouia aia kairiribai. E biri nako ni kaineta te M'arua are Ioretan,

M'akuri 13:41

“Noria, ngkami aika taani kakaniko, kam na mimi ao kam na mate! B'a te m'akuri ae I karaoia i nanon ami tai ni maiu, bon te b'ai ae kam na aki kakoaua, e ngae ngkana e kab'arab'araaki taekana nakoimi iroun temanna!”