Ieremia 4:7 - Te B'aib'ara

⁷ E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 4:7 Iomraidhean Croise

2.Uea 24:1

I nanon ana tai n tautaeka Ieoiakim, ao e buakana Iuta uean B'aburon are Nebukaneta man taua taekana. E ongotaeka Ieoiakim nakon Nebukaneta i nanon tenua te ririki, ma i mwiina riki e a manga kakaitaraa.

2.Uea 25:1

N ana karuaiwa n ririki n uea Tetekia, ni katebwinan bongin te katebwina n nam'akaina, ao e kam'anangaa ana taanga ni buaka ni kabane uean B'aburon are Nebukaneta ni buakana Ierutarem. A katea aia kaemb'a tautia i tinanikun te kaawa are e buubura arei ao a karaoi taian taua ni karietaatai ni karokoi n rietan oon te kaawa.

Itaia 1:7

E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 5:9

Ma e a tia ni karaoa ana berita aei te UEA ae Moan te M'aaka nako iu: A na akea kanoan taian auti akana a buubura man tamaroa akanne, ao a na akea naba te tia kaawakin.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 22:6

Kam na ongora nakon te b'ai ae I iangoia. Ti te bo mimitongin ana bareti uean Iuta ma Kireata ke taubukin Reb'anon are te kabanea n rietaata. Ma e na riki b'a kaanga te kaawa n anti ae akea kanoana ngkana I karaoa taekana.

Ieremia 22:7

N na kanako ia taanga ni buaka b'a a na urubekeia, ao a na anaaki kaina ake taian tiira aika a tamaroa b'a taian aia.

Ieremia 25:38

E a tia te UEA ni kiitaniia ana aomata kaanga te raian ae e kiitana b'angana. E a tia n onika te aba kakamaakun taiani buaka ma korakoran unin te UEA nakon te rereua.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 26:9

E aera ngkai ko taetae n aran te UEA b'a e na riki te Tembora aei kaanga Tiro ao e na uruaki te kaawa aei ao a na akea ae na maeka iai?” Ao i mwiin arei, a bootaki aomata ni katobibiai.

Ieremia 27:8

E tei te amo i bukin m'aakan te uea are Nebukaneta, ao N na uruan aroia botannaomata ni kabane akana a rawa n ongotaeka i rouna. E na buakanaki i roun Nebukaneta, ao a na m'aiti akana ana mate n te buaka ke te baki ao te aoraki.

Ieremia 33:10

Ieremia, ko taku b'a e na rereua te aba aei ao akea aomata ma maan iai, ao n te tai aei, e bon eti are ko taekinna. A akea kaain kaawan Iuta ao e a rereua kawain te kaawa i Ierutarem, ao bon akea aomata ma maan n nooraki n taabo nako. Ma a na roko boong ane ko na manga ongo iai

Ieremia 34:22

N na anga te babaaire, ao a na manga oki nakon te kaawa ae e buubura aei. A na buakanna, a na taua, ao a na kabuokia ni kab'aka. N na karika aia kaawa aika a buubura b'a kaanga taian rereua aika akea aika a maeka iai. Bon aei Au taeka Ngai ae te UEA.

Ieremia 4:29

A takaaruaea aia keeke ni buaka aia taan toka i aoia aoti ao aia taani katebe kairiribai. A biri nako aomata n rawei maiuia ma ni kataia ni kakaea kamanoaia i buakon taian aroka ao taiani b'aa. Bon akea kaain kaawa ni kabane.

Ieremia 44:2

Bon te UEA Ngai ae Moan te M'aaka, ae Atuaia Iteraera. Kam noora arou ngke I kamaunaa Ierutarem ao kaawan nako Iuta. A wene n akea kanoaia ao n uruaki n te bong aei,

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 50:44

B'aburon, N na buakaniko kaanga te raian man te rereua, ae e un nako ia tiibu i nanon te tawaana are i mataniwiin Ioretan. A biri nako te nanai n tiibu n te tai naba arei, ao akea naba kaain te aba. Antai ae N na rineia b'a e na buakaningkami? N na karaoia n ti Ngai! Bon akea ae e konaa ni kairoroai b'a N na buaka ke ni kakioai nako.

Ieremia 8:16

A a tia ni roko ara kairiribai ni kaawan Taan ake i meang, ao ti a maaku n tangitangin ikeiken aia aoti. A na kamaunaa Ierutarem ma ara botannaomata ni kabane ara kairiribai. Bon akea temanna ae e na reke maiuna.”

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

Etekiera 12:20

A na bane ni wene n uruaki kawa nako ao e na riki te aba b'a te rereua ae akea kain aona. Ao i mwiina, a na ataia iai b'a bon te UEA Ngai.

Etekiera 21:31

E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.

Etekiera 32:2

Etekiera ae natin te aomata, ko na kabuakaka uean Aikubita ao tuangnga te b'ai ae I taekinna: Ko karaoa aron te raian n aiwaa ni m'aninga nako n te aonnaba; ma bon akea manenam n ai aron te korokorotaire i nanon te karaanga, n rairairaki i nanon te bokaboka ma waem.

Taniera 5:19

E rangi ni korakora n te aro are a maaku man ruru botannaomata, ao aekaki n reeti nako i rouna. E tiringa ane e kan tiringnga, ao e kamaiua ane e kani kamaiua. E karinea ke e tewenakoa ane e bon taku.

Taniera 7:4

Are te moan, kaanga ai aron taraan te raian, ma iai baina ni kiba kaanga te ikare. Ao ngke I bon tabe ni matakuakinna, ao a rina naba ni b'aka baina ni kiba. Ao e tabekakirake ao e kateaki ni kaetaki raoi. Ao i mwiina e a anganaki te nano n aomata.

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.