Ieremia 4:4 - Te B'aib'ara

⁴ Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Ieremia 4:4 Iomraidhean Croise

2.Rongorongo 34:25

A tia kaain Iuta ao Iteraera n aki kubarai. A tia n anga karea nakoia antiia ianena ao a tia naba n taromauriia aia bouannanti ake bon aia b'ai. I a bon aki konaa aroia aei. I a rangi n un irouia.

Itaia 10:17

E na onikaki te Atua ae e tabu, are ootan Iteraera, ao ko na urarake n te bong teuana kaanga te buakonikai ae e kateketeke.

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Ieremia 15:14

Bon te ai uniu ae e aki konaa n tiringaki, Ma ngaia ae, N na karikingkami b'a aia toro ami kairiribai i abaia ianena.

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 21:5

Ma ngaia are, N na arora baiu ae e korakora ni buakaniko ni bon ti Ngai. A kamanenai taian kainiwai ao kabaang am taani buaka ni buakaniia kaain B'aburon, ma N na karaoa ami b'ainibuaka b'a a na manga bon buakaningkami.

Ieremia 23:19

A a buakaka! Ma ngaia are N na oreia n unu n ai aron te angibuaka ae e korakora.

Ieremia 36:7

E bono nanon te UEA, ao ngkana a ongo aomata arona ni katuaaia, ao tao a na bae ni buubuti kab'araan aia bure.

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 9:25

A na roko boong are N na katuaaia iai bootanaomatan Aikubita,

Ieremia 9:26

Etom, Ammon, ao Moaba, ao barongan te rereua. A a tia ni korotabonim'aneaki mm'aane ni botannaomata aikai, ma a aki taromauriai. Ao bon ti te bo naba ma ngkami kaain Iuta. A a tia ni kaitiakaki rab'atami, ma a tuai man bitaki nanomi.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 16:38

N na kuneko b'a ko bure b'a ko a tia n riki b'a te ainenum'a ae e aki kakaonimaki ao te tia tiritiri, Ao n anga motikan taekam b'a ko na kamateaki!

Etekiera 18:31

Kaaki arom aika a buakaka ao moana iangoan iango aika a raoiroi. Ao kakaonimaki nako iu! Ko tangiria b'a ko na tiringaki i bukin am bure!

Etekiera 20:33

Ngkai I bon maiu Ngai ae te UEA ae te Atua, ao N na bon tautaekaningkami ni baiu ae e korakora. Kam na namakina korakoran uniu

Etekiera 21:17

Ao i mwiin anne, e a tib'a toki uniu, ao N na uboi baiu n tokanikai. Bon aei Au taeka Ngai ae te UEA.

Etekiera 24:13

E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.

Etekiera 24:8

Ma I a tia n noora te raraa anne, ao e tang nako iu n tangira irantangaana.

Etekiera 44:7

E a tia ni kamatauningaaki au Tembora, i bukina ngke kam a tia ni kariaia ianena aika akea atuaia, aika a taningamatoa b'a a na roko ikai i nanon tain te anga karea nako iu. Kam a tia ni bure ma n tia n urua ara boraraoi ae e matoa.

Etekiera 6:12

Akana a maeka n taabo aika a raroa nako a na oreaki n te aoraki ae e kamaamate. Akana a maeka n taabo aika a kaan a na tiringaki n te buaka. Ao akana a tiku a na mate n te baki. N na aki taotaona nanou irouia!

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Nakoaia Ibonga 26:28

ao ikanne are I a boni karokoi naba ami bong i bukin ami bure.

Nakoaia Ibonga 26:41

Ngkana ko taekinna ma te nanorinano b'a ko a tia ni moana maiuakinan ae e eti,

Amota 5:6

Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

Teb'ania 2:2

i m'ain ae ko ukaki nako n te ang n ai aron kunin te b'are, i m'ain rokon te bong are e na ura unin te UEA iai i aom.

I-Rom 2:25

B'a bon iai bongan te korotabonim'aneaki ngkana ko toua mwin te Tua; ma ngkana te tia ri aon te Tua ngkoe, ao e riki korotabonim'aneakim b'a te b'ai ae akea nanona.

Te Tua-Kaua 10:16

Uringa ami boraraoi ma te UEA, ao katoka ami taningamatoa.

Te Tua-Kaua 30:6

Kam taningabono ma kanoami, ma E na karaoingkami te UEA b'a kam na kukurei n ongotaeka nakoina, ma n tangiria ma nanomi ao tamneimi ni kabane, ao kam na kukurei ma n ab'ab'aki maiumi.

Te Tua-Kaua 32:22

Au Aomata, N na ikeikena te ai are e na kab'akaingkami nako abaia maate. E na tiring arokan ami nne n aroka ma ni kabuoki rikaaki aan taiani maunga.

I-Korote 2:11

N aromi naba n reitaki ma Ngaia ao kam a tia ni kaitiakaki, tiaki n te kaitiakaki are korean te iriko man te rab'ata ni bain te aomata, ma n ana kaitiaki Kristo;