Ieremia 4:31 - Te B'aib'ara

³¹ I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 4:31 Iomraidhean Croise

Karikani B'aai 27:46

Ao e taku Nei Rebeka, “Ti a rangi n aoraki irouia buun Etau aika i abatera. Ao ngkana e a manga iein Iakob'a ma temanna ainen Eta, ao I a boni mate naba.”

Iobi 10:1

I a kua n te maiu aei! Ongora nakoni ngurengureu ae kai nanou iai.

Taian Areru 120:5

Ma N na maeka n iruwa, n ai aroia aomatan Meteka, ao n aia kaemb'a kaaini Keta.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 13:8

A na bane ni ruru aomata n te maraki kaanga te aine ae e ariri ni bung; ane ana taraia i bon irouia ma te mata ni maaku.

Itaia 21:3

E a rangi ni korakora marakiu kaanga te aine ae e ariri ni bungiia natina. I tiaoki mani ikoaki korakora n te aro are I a bonotaninga ke n aki noraaba.

Itaia 26:17

Ti maraki n ai aron te aine ae e nang bung i bukin te b'ai are ko a tia ni karaoia nakoira.

Itaia 42:14

I a tia n tautaua marakin nanou n te tai ae e maan Ngai ae te UEA; ao ngkai N nang takaarua mani ngirangira kanga te aine ae e ariri ni bung.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Ieremia 10:19

Ao a kaeka aomata ni kaangai, “Ti a ikoaki ao ti nang mate. E aera ngkai ti taekinna b'a ti aki konaa ni kaitaraa te maraki?

Ieremia 13:21

Kam onimakiniia ngkoa n te tai teuana b'a a na buokingkami ma ngkai N na karaoia b'a a na tautaekaningkami. Tera ami taeka i bukin anne? Kam na maraki kaanga te aine ae e ariri ni bung.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 15:18

I ikoaki kaakaiaki ao e aki tootoki marakiu. Ko nang kab'araa nanou kaanga te raanga n ran ae e a m'auteretere i nanon tain te aumaiaki ae e kabuebue?

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 22:23

A na mangoo n tang ma te maraki kaanga te aine ae e bung akana a maeka n te bareti ae e rabunaki wintoona n te tiira.

Ieremia 30:6

E konaa ni bungia natina te mm'aane? Ao e aera ngkai I nooriia b'a a rangi ni mainarake ma n tautaua birotoia kaanga te aine ae e ariri b'a e nang bung?

Ieremia 45:2

Tabeua te tai i mwiina, ao E tuangai te UEA ae Atuaia Iteraera b'a N na kaangai nakon B'aruka:

Ieremia 48:41

A na tauaki ami kaawa aika a buubura ma ami nono, ao a na tauaki ni korakoran te maaku ami taan buaka.

Ieremia 49:22

A na kiba rikaaki aiam ni buakaniko kaanga te ikare ae e taakin baina ni kiba ma ni kibakiba i aon Botira. Ane a na tauaki n te maaku am taani buaka.

Ieremia 49:24

Ngkami aika kaain Tamateko e a tia ni bua ninikoriami, ao kam na rairaki n iakaka ni biri nako, ma n tauaki n te maaku ao te maraki.

Ieremia 50:43

E a kaman tia n ongo ami uea taekan te taanga ni buaka aei, e a tia ni mamaara n te maaku; e minominotaki ma n rairaki ma te maraki kaanga te aine ae e bungia natina.

Ieremia 6:2

Bon au tabo n uteute ae e taatangiraki Ierutarem, ma ane a na katobibiko taani kaawakintiibu ma n tib'atib'aiko,

B'aeb'aeti 1:17

I anganako baiu, ma bon akea ae kani buokai. E a tia ni karokoia au kairiribai te UEA man taabo nako. A karaoai b'a kaanga te b'ai ae kam'araa.

B'aeb'aeti 1:20

Te UEA, an tarai rawaawatau ma korakain tamneiu! E a uruaki nanou i bukin rawaawatau n au bure. A m'aiti m'akuri n tiritiri n te kaawa, ao taian mate naba i nanon auti.

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

Otea 13:13

Ti te bo ngkami ma te ataei ae akea ana iango ae e rawa ni bungiaki ngke e roko raoi ana tai ni bungiaki.

Mika 4:10

Kam na minomino ni ngirangira n tang ngkami aika kaain Ierutarem n ai aron te aine ae e bung, b'a kam a riai ni kiitana ami kaawa ngkai, ao kam na maeka n taabo aika a m'awawa. Kam na nako B'aburon, ma E na bon kamaiungkami te UEA ikekei mairouia ami kairiribai.

Mika 4:9

E aera ngkai ko tangi n takaarua? E aera ngkai ko maraki n ai aron te aine ae ariri? Tiaki i bukina ngkai a akea am uea? Tiaki i bukina ngkae a mate am tia iango?

Mika 7:1

E a kab'ara nano! Kaanga ai aron te aomata ngai are I kakaea kanau ma bon akea teuana uaan te aroka n tiku, ao akea naba uaan te kureebe n tiku. B'a a bane n tia n anaaki kaai ma uaa aika a kangkang.

Mataio 21:5

“Kam na kangai nakoia kaain te kawa are Tion, Noria, E a nako imi ami Uea! Ae nimamannei, ae toka i aon te aati ao i aoni bunna.”

1.I-Korinto 9:16

B'a ngkana I tataekina te euangkerio, ao bon akea bukin ae N na kamoamoa iai, b'a I katabeaki iai b'a I bon riai n tataekinna. E na reke kaiu ngkana I aki tataekina te euangkerio!

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.