Ieremia 4:30 - Te B'aib'ara

³⁰ Ierutarem, e a tia ni kamaunaaki abam Ma kam riki b'a kaanga ainen mataawa ao kam kataia ni manga kaokiia ami tangira, are a ribaingkami ngkai. Ko konaa ni karina te kunnikai ae e uraura, te b'ai ni katamaroa, ao karooroan te mata, ma ai bon akea manenaia A a oti nako am tangira b'a a na tiringko!

Ieremia 4:30 Iomraidhean Croise

2.Uea 9:30

Ao e waaki ni kaineta Ietebera teuare Ieu, ao ngke e ongo Nei Ietebera rokon Ieu, ao e kabiri matana, ao e karaoa irana. Ao i mwiina e tei i matan ana winto n tataningaa rokona.

Taeka n Rabakau 6:25

E na aki anaaki nanom n ana kab'akab'aka ke ni maata aika a kan tangiraki mairoun temanna ae ai aron anne.

Taeka n Rabakau 7:10

E kunnikainna n te kunnikai ae e tamaroa kaanga ainen mataawa ma ana kaantaninga ae ti teuana i nanona.

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Itaia 20:6

Ngkana a riki baikai, ao ane a na kaangai aomata ake a maeka i mataniwiin taari, “Ani bon noora te b'ai ae e a riki nakoia! Ti biri ni karekei maiura irouia, ma te kaantaninga b'a a na kamaiura mai roun Uean Aturia. Ma ngkai, ai bon akea riki ara tabo ae ti na kamaiura iai.”

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Ieremia 13:21

Kam onimakiniia ngkoa n te tai teuana b'a a na buokingkami ma ngkai N na karaoia b'a a na tautaekaningkami. Tera ami taeka i bukin anne? Kam na maraki kaanga te aine ae e ariri ni bung.

Ieremia 22:23

A na mangoo n tang ma te maraki kaanga te aine ae e bung akana a maeka n te bareti ae e rabunaki wintoona n te tiira.

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

B'aeb'aeti 1:19

I weteia au itabon n tautaeka ma a rawa ni buokai. A mate taian ibonga ma taan kairiiri i nanon kawain nuukan te kaawa, i bukin kakaean kanaia are a na maiu iai.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 4:17

Bon akea te buoka ae roko, ti taratara ni karokoa bon akea ae ti a manga noria. Ti tataninga i bukin te i buobuoki man te botannaomata ma bon akea ae i buobuoki.

Etekiera 28:13

Ko maeka n te nne n aroka ao ko katokai i aom b'aai ni katamaroa aika a karaoaki n te atiibu ae e tamaroa ae e bati matana ao atiibu aika a tamaroa. A bane ni karaoaki n te koora ao a katauraoaki i bukim n te bong are ko bungiaki iai.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.

Ob'aria 1:7

E a tia ni kam'aneko am itabon; a tia ni karekea te anga are ko na kitana iai abam. Aomata aika ko iraorao ma ngaia, bon ngaia aika a na ekinakoko. Raraom aika ko itabon am'arake ma ngaiia, bon ngaiia aika a na kam'aneko; A kakanikoko ao a kaangai, ‘E ngaa te baere rabakaum?’

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Te Kaotioti 17:13

Ti teuana nanoia, ao a angan te man arei m'aakaia ma aia tautaeka.

Te Kaotioti 17:2

are a wene ni bure ma ngaia uean aonnaba, ao are a manging i rouna kaain aonnaba ni wain n ana wene ni bure.”

Te Kaotioti 17:4

Ao e kunnikaiaki te aine arei n te ura-roo ma te uraura, ao e katamaroaaki ni b'aai ni katamaroa aika koora ma atibu aika kakawaki ma moomi; ao iai te m'angko ae te koora i nanoni baina, ae te m'angko ae on ni baika riai ni bati n ribaaki, ma baika kammaira aika b'ain ana wene ni bure;