Ieremia 4:27 - Te B'aib'ara

^27-28 E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Ieremia 4:27 Iomraidhean Croise

2.Rongorongo 36:21

E a riki Iuta b'a te rereua ae akea kaaina, ao e tiku n arona anne ni karokoa itibwi te ririki, ni kakororaoi ririki ni kabane ake e aki kariaiakaki b'a e na motirawa iai. A riki baikai n aron are e tia n taekinna

Neemia 9:31

Ma Ko bon nanoanga man akoi, ma ngaia are, Ko aki roko n te m'aninga taekaia ke ni kamaunaiia.

Itaia 17:6

Iteraera kaanga te kai ae te oriwa ae e oreaki n te kai, ae e nikirana ti uoua ke tenua nikiran uaana ke tao ti aua ke nimaua aika a rangi ni rietaata ke ni m'aangana ake a rangi ni uaa. E a tia ni berita b'a e na bon koro bukin aei te UEA ae Atuan Iteraera.

Itaia 24:1

E nang minota te aonnaba te UEA n urua teina ma n onikia nakon te rereua. A na bane ni maae nako aomata nako,

Ieremia 18:16

Ane e na uruaki abami, ao a na bane akana ri rarikina n taraia ma te maaku ma ni katoutou atuuia.

Ieremia 25:11

E na akea kaain te aba aei kaanga te rereua ae akea kaaina, i bukina b'a N na karaoingkami b'a toro i roun uean B'aburon i nanon 70 te ririki.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 4:20

I nooria kairiribai ngke a konaira n te tai teuana ma teuana ma ni katikui b'aai i mwiia n urubekebeke. E bon uruaki naba mwengau ni bon te tai naba anne.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Ieremia 5:10

N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

Ieremia 5:18

E taku te UEA: Ieremia, a na aki tiringiia ni kabane kaain Iuta kairiribai.

Ieremia 7:34

Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 2:7

E rangi n ribaa ana baonikarea te UEA, ao e kamaunaa ana Tembora are e tabu; E kariaia rokoia kairiribai ni kamaenikuna oon te Tembora. A tatakarua i nanon te Tembora are ti tataromauri iai kairiribai ni kaota aia tokanikai.

Etekiera 11:13

I m'aain banen au taeka, ao a b'aka ni mate Beratia. I bobaraaki n takaarua n tang ni kaangai, “Taiaoka te UEA ae te Atua, ko na aki tiringiia aika taian nikira i Iteraera.”

Etekiera 20:17

Ma e ngae n anne ao I bon aki kariaia b'a a na mate i nanon te rereua.

Etekiera 33:28

N na karika te aba ni kabuta b'a te aba ae akea manenana ao ni kamaunaa te m'aaka are kam kainikatonga iai. A na akea naba arokan aon taiani maunga, ao bon akea ae e na kataia n riaoi.

Etekiera 6:14

N na karika abaia b'a te aba ae akea manenan kain aona, ni moa man Rereuan Maiaki nakon te kaawa are Ribera i meaang. Ao ane a na ataai bon Ngai ae te UEA ae I karaoi b'aai aikai.

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Nakoaia Ibonga 26:44

E aki akaaka b'a tera ae kam a tia ni karaoia, ma bon te UEA naba Ngai ae Atuami, ao N na bon aki manga katikui taekami, ke ni kairiribai ma ngkami i abaia ianena.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.