Ieremia 4:16 - Te B'aib'ara

^16-17 E taku te UEA, “Tuangiia botannaomata b'a a tia au aomata ni kakaitaraai. Ngaia are e na roko te taanga ni buaka man te tabo ae e raroa n otab'aninia Ierutarem ao kaawan nako Iuta. Bon aio au taeka Ngai ae te UEA.

Ieremia 4:16 Iomraidhean Croise

Itaia 34:1

A na bane aomata man taian botannaomata, n te aonnaba ni kabane, ao b'aai ni kabane aika a maiu, n nakomai ni kakauongo!

Itaia 39:3

Ao I titirakina Etekia ni kaangai, “A nako mai ia m'aane aikai? Tera te b'ai ae a tangiria?” Ao e kaeka Etekia, “A roko man te kawai ae e raroa mai B'aburon.”

Ieremia 1:15

Ko na mataku ngkana I weteia uea mai meang. Ane a na buaka ma n taua Ierutarem ao kaawa tabeua, ao i mwiina, a katei aia kaintokanuea ni mataroan nako Ierutarem.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Ieremia 39:1

N te katebwina n nam'akaina n ana karuaiwa n ririki Tetekia ni uea i aon Iuta, ao e roko Uean B'aburon are Nebukaneta ma ana taanga ni buaka ni kabane ao a buakana Ierutarem.

Ieremia 5:15

Kaain Iteraera, I a tia ni karaoa au babaaire. E na buakaningkami te taanga ni buaka man te aba ae e raroa nako. I a tia n rinea te botannaomata nikawai ae kam babanga aia taetae.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Ieremia 50:2

Anga te kanikina ao katanoataa taian rongorongo! Kam na aki karabaa! E a tia ni b'aka B'aburon! E a tia ni maerikiriki te anti are Merotaka! A kamaamaaeaki bouanantin B'aburon, ao a kamanatuaaki bannaia aika a rangi n ribaaki!

Ieremia 6:18

Ai ngaia are I tuangiia botannaomata nako n te aonnaba ni kaangai, “Mataku n te b'ai ae N nang karaoia!

Ieremia 6:19

A kakeaa bonganau Au aomata ao a katinanikui au tua nako. A baaireia b'a a na karaoi m'akuri aika a buakaka, ao ngkai, te buakaka are a baaireia e na manga bon riki nako ia.”

Ieremia 6:22

E taku te UEA, “Taratara nako nako iang, nakon te tabo are e mena iai te botannaomata ae e korakora are e katauraoi nakon te buaka.

Ieremia 6:23

A iowawa ana taanga ni buaka aika a toamau ni b'aai ni buaka ao bon akea aia nanoanga. Ti te bo tangitangin aia aoti ma rurungaan naon marawa ngkana a rebwe i aon te bike. A na buakaningkami te taanga ni buaka aei, ngkoe ae Ierutarem ae ko tangiraki.”

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

Etekiera 21:22

E na kanakoa baina are te atai ni kanakoa te kainikoto are e koreaki iai ae kaangai “Ierutarem”. Ao e na waekoa n anga te kanikina ae na kanakoa i bukin te takaakaa ni buaka, ma ni kateaki taian tabuki i bukin tam'arakean oon te kaawa, b'a e na uruakaki oona ni kab'akaaki ma ana mataroa n taian b'ai n uru mataroa aika boua aika a korakora, ma n tiringaki aomata.