Ieremia 4:13 - Te B'aib'ara

¹³ Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 4:13 Iomraidhean Croise

2.Tamuera 1:23

E nang beebete karekean tangiraia Tauro ao Ionatan. A kaai ni maiu, a kaai ni mate, a biri m'aaka riki nakoia ikare ao a korakora riki nakoia taian raian.

Itaia 13:5

E waaki n nakomai te UEA ma te tiritiri ao te un ae moan te korakora man te aba ae e raroa e uota ana b'ainibuaka b'a e na kamaunaa te aonnaba.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Itaia 3:8

Ierutarem ma Iuta, kam kakaitaraa ami UEA ae e mimitong e boni kab'akai ngkami ami taeka ma ami m'akuri.

Itaia 5:28

A kakang aia kanoanikatebe, ao a tauraoi aia kainikatebe. E matoatoa waen aia aoti kaanga atibu aika matoatoa, ao e mino m'aaka wiiran aia kaanibuaka kaanga te kiikannang.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Ieremia 10:19

Ao a kaeka aomata ni kaangai, “Ti a ikoaki ao ti nang mate. E aera ngkai ti taekinna b'a ti aki konaa ni kaitaraa te maraki?

Ieremia 4:12

ngkami kaain Ierutarem ngkana e roko te kabuanib'ai, “I kanakoa te angibuaka man te rereua te ang ae e aki raoiroi. Ao e na iribiko nako b'a katuaaeam i bukin am bure nako.

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Ieremia 48:40

Moaba, e kiba rikaaki te kairiribai kaanga te ikare ae e taakin baina i aon abami.

Ieremia 49:22

A na kiba rikaaki aiam ni buakaniko kaanga te ikare ae e taakin baina ni kiba ma ni kibakiba i aon Botira. Ane a na tauaki n te maaku am taani buaka.

Ieremia 6:23

A iowawa ana taanga ni buaka aika a toamau ni b'aai ni buaka ao bon akea aia nanoanga. Ti te bo tangitangin aia aoti ma rurungaan naon marawa ngkana a rebwe i aon te bike. A na buakaningkami te taanga ni buaka aei, ngkoe ae Ierutarem ae ko tangiraki.”

Ieremia 9:19

Ao ngkai ngaira aika ti tang i Tion, ‘Ti a urubekebeke! Ti aki konaa n taona mamaara. A a tia n uruaki ara auti, ao ti a riai ni kiitana abara.’

B'aeb'aeti 4:19

A birim'aaka riki ngkana a raweira nakon te ikare ngkana e b'akara kanana mai karawa n raweia. A kakioira rikaaki i aon tabuki; a raweira i nanon te rereua.

Etekiera 26:10

E na anai tabeman ana aoti aika a m'aiti ni kabubua rake iai aontano kaanga te mabubu ae e matenten. Ao e na bon ruru naba te oo ngkana a roko ana kaa ni buaka ao taan buaka i aoia aoti, ai moara riki ngkana e rin n urua ami kaawa ma te kakatonga.

Etekiera 38:9

Ma ko na buakaniia ma am taanga ni buaka kaanga buakanikarawa ma ni katobibia kaanga te nang.

Taniera 11:40

“N te tai are e nang roko iai n tokina uean Tuuria, ao ane e na teirake iai uean Aikubita ni buakanna, ao e na manga teirake uean Tuuria ni kaitaraa ni buakanna ma korakorana ni kabane. E na kamanenai ana kaa ni buaka, ana aoti, ao ana kaibuke aika a bati. E na eekinakoi man taui aaba aika a bati n ai aron rokon te ieka.

Taniera 7:4

Are te moan, kaanga ai aron taraan te raian, ma iai baina ni kiba kaanga te ikare. Ao ngke I bon tabe ni matakuakinna, ao a rina naba ni b'aka baina ni kiba. Ao e tabekakirake ao e kateaki ni kaetaki raoi. Ao i mwiina e a anganaki te nano n aomata.

Otea 8:1

Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Naum 1:3

E aki kakaiun te UEA, ao E m'aaka ao E aki toki ni katuaaia taani bure. E tei te angibuaka n te tabo are E nakonako iai te UEA; bubun waena taian nang!

Ab'akuka 1:8

“A birim'aaka riki aia aoti nakoia reeb'ari, a tiritiri nakoia kameanti aika a baki. A roko aia taan toka i aoia aoti man aaba aika a raroa. A nimta te tano ukin waeia aia aoti. A biri rikaaki n ai aron te ikare ngkana e na rawea kanana.

Tekaria 6:1

Ao n tokina, I a tara rake ao I noori aua kaa ni buaka aika a roko mai marenan taian maunga aika uoua aika taian buraonti.

Mataio 24:30

Ao ane na kaoti kanikinaean Natin te Aomata i karawa, ao ane a na bane n tang kaain aonnaba, ao a na nora Natin te Aomata b'a E nako mai aon nangini karawa ma te m'aaka ao te mimitong ae bati;

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.