Ieremia 4:1 - Te B'aib'ara

¹ E taku te UEA: Ngkana kam bon tangiria n oki nako iu, ao iangoi aroia taian bouananti aika a ribaaki aikai.

Ieremia 4:1 Iomraidhean Croise

Karikani B'aai 35:2

Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

2.Uea 23:13

I mwiin anne, e kaini taiani baangota ake e karaoia ngkoa Toromon i mainikun Ierutarem ao i meangin te Tabuki are Mate i bukin karinean Nei Atiterota are antiia kaain Titon ae e rangi n ribaaki, ao Kemoti are antiia kaain Moaaba ae e rangi n ribaaki, ao Mirekom are antiia kaain Ammon ae e rangi n ribaaki.

2.Uea 23:24

E bane ni kamaunaiia aomata ma b'aai aika a rangi n ribaaki Iotia mai aon Iuta ma Iteraera, n ikotaki naba ma taan tabunea, taani kaiwa ao taian bouananti. E kabanea ana konaa ni karaoi b'aai ni kabane ake a koreaki i nanon te boki are e kunea Irekia i nanon ana Tembora te UEA.

2.Rongorongo 15:8

Ao Ata, ngke e ongo naba ngkekei ana taeka Ataria are te burabeti, ao e anga ana taeka i bukin taian bouannanti ni kabane ake i Iuta ao Beniamin b'a a na uruakaki, n ikotaki ma ake n te kaawa ake a tia n reke i rouna n te aba are Eberaim. E bon manga onob'aia naba ana baonikarea te UEA are e mena i matan kamanin te Tembora.

2.Rongorongo 33:8

Ngkana a kakaonimaki n iri nanon tuua ni kabane ao taian reirei ake I angan au toro are Moote, ao n na bon aki manga kakioia nako man te aba are I a tia n anganiia aia bakatibu.

2.Rongorongo 34:33

E kamaunai taian bouannanti ni kabane Iotia n te aba are Iteraera, ao e tuangiia aomata ni kabane i Iteraera b'a a na taromauriia te UEA ae te Atua n ti ngaia. Ao a aki manga tannako aomata mairoun te UEA ae Atuaia aia bakatibu ni kabane n ana tai n tautaeka Iotia ngke e uea.

Itaia 31:6

Kaain Iteraera, ooki! Ko a tia n rairaki nako mai roun te UEA.

Ieremia 15:19

Ao E taku te UEA nako iu: Ko na aki katoka taetaem kaanga te baba! N na karikiko riki b'a Au burabeti ngkana ko okirai ma n taetaekina au rongorongo. I taku b'a a na kariaia te b'ai ae ko taekinna kaain Iuta. Ma ko konaa ni kaaitarai aia m'akuri nako aika a kamaraki,

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 25:5

A a tuangkami te b'ai are e taekinna te UEA: Bita maiumi! Ngkana kam katoka karaoan te buakaka, ao N na katikuingkami n te aba aei are I anganiia ami bakatibu n akea tokina.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Ieremia 3:12

Ieremia, ko na takaarua nako meang: Iteraera, bon ami UEA Ngai okirai! Kam aki kakaonimaki ao kam rangi ni kaunai, ma I bon nanoanga, ma ngaia ae, I kab'arai ami bure.

Ieremia 3:14

Bon ataei ngkami aika kam aki kakaonimaki, ma bon au b'ai ngkami. Okira mwengami! N na anaa temanna ke uoman man ami kaawa n tatabeua nako ao ami kaainga ao N na uotiia nako Tion.

Ieremia 3:22

N na kaangai nako ia, “Okirai, N na kamaiungkami man ami aki kakaonimaki.” Ao a kaeka ni kaangai, “Ti na okiriko, b'a bon ngkoe ara UEA ao Atuara.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 36:3

ao warekia nako ia kaain Iuta. Tao e na toki iai karaoan te bure ngkana a ongo Au babaaire aika N nang karaoia nako ia. Ao ngkana a oki nako iu, N na kab'araa aia bure.”

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Ieremia 7:3

are Moan te M'aaka, ae Atuaia Iteraera: Kakauongo raoi, ngkami aika kaain Iuta! Bita maiumi ao maiuakina te raoiroi, ao i mwiina, N na kariaingkami b'a kam na maeka n oin abami.

Ieremia 7:5

N na kaawakiningkami ti ngkana kam bita maiumi. Kam na aki aonikaiia raomi nako.

Ieremia 7:7

Ao i mwiina, N na kakukureingkami ni maiu n te aba aei ae I anganiia ami bakatibu.

Etekiera 11:18

Ngkana e riki anne, ao I tangiringkami b'a kam na kaitiaka te aba ni kanakoi taian bouannanti aika a rangi n ribaaki.

Etekiera 18:13

ao e anaa te bakao ae e buubura ngkana e kataarau n te m'ane. Te mm'aane ae e buakaka n aron anne e na bon aki maiu. Bon ngaia ae e karaoi buure aika a kakamaaku aikai, ma ngaia are, akea ae e bure nakoina.

Etekiera 43:9

Ma ngkana a katoka taromauriaia anti tabem'aang ma n urui aia kanuringa aomata ma aia uea, ao N na maeka i buakoia n aki toki.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 2:2

Bukinna! Bukina tinam! Ai tiaaki buu, ao ai tiaki buuna Ngai ae te UEA. Butiia b'a e na katoka arona n riki b'a ainen matawa ma ana aki kakaonimaki nakon buuna,

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”